ആലുവ: ലക്ഷദ്വീപിലെ ഉദ്യോഗസ്ഥ മേധാവിത്വത്തിനെതരേ നടപടി വേണമെന്ന് മുന്‍ എം.എല്‍.എ. എ.എം യൂസഫ് ആവശ്യപ്പെട്ടു. ജനകീയ ആവശ്യങ്ങള്‍ക്കായി ജനങ്ങള്‍ക്കൊപ്പം നിന്ന് സമരം നടത്തിയ ലക്ഷദ്വീപ് മിനിക്കോയ് സ്വദേശി ഡോ. അബ്ദുള്‍ മുനീറിനെ ക്രൂരമായി മര്‍ദ്ദിച്ച പൊലീസ് ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കണം. പൊലിസ് കസ്റ്റഡിയിലെടുത്ത് അറസ്റ്റ് രേഖപ്പെടുത്താതെ തന്നെ പൊലിസ് ഇയ്യാളെ ലോക്കപ്പില്‍ വച്ച് മൂന്നാംമുറയാണ് പ്രയോഗിച്ചത്.
ജനങ്ങളുടെ അവകാശങ്ങളെ ഹനിക്കുകയും ജനകീയാവശ്യങ്ങള്‍ക്കായി നടത്തുന്ന സമരങ്ങളെ ചോരയില്‍ മുക്കിക്കൊല്ലുകയും ചെയ്യുന്ന പൊലിസ് ഉദ്യോഗസ്ഥരെ സര്‍വീസില്‍ നിന്നും മാറ്റി നിര്‍ത്തി അന്വേഷണം നടത്താന്‍ കേന്ദ്ര ര്‍ക്കാര്‍ തയ്യാറാകണമെന്ന് എ.എം. യൂസഫ് പ്രധാനമന്ത്രിയ്ക്ക് നല്‍കിയ നിവേദനത്തില്‍ ആവശ്യപ്പെട്ടു. പൊലീസിന്റെ ക്രൂരമര്‍ദ്ദനത്തിനിരയായ ഡോ. അബ്ദുല്‍ മുനീറിനെ അദ്ദേഹം ഇന്നലെ ആശുപത്രിയില്‍ സന്ദര്‍ശിച്ചു.