അമ്പലപ്പുഴ: ചരക്കുലോറി ഇടിച്ചുകയറി അമ്പലപ്പുഴയില്‍ സിഗ്നല്‍ സംവിധാനം തകരാറിലായി. കച്ചേരിമുക്കില്‍ ഇന്നലെ രാത്രി 12.45 ഓടെയായിരുന്നു അപകടം. വടക്കുഭാഗത്തേക്ക് പോയ ചരക്കുലോറി നിയന്ത്രണം തെറ്റി സിഗ്നല്‍ പോസ്റ്റില്‍ ഇടിക്കുകയായിരുന്നു. അപകടത്തെതുടര്‍ന്ന് സിഗ്നല്‍ ലൈറ്റും തകര്‍ന്നു. ആര്‍ക്കുംപരിക്കില്ല.
സിഗ്നല്‍ സംവിധാനം ഏതാനും മാസം മുന്‍പാണ് ആരംഭിച്ചത്.
ലോറി പോലീസ് കസ്റ്റഡിയിലെടുത്തു. അപകടവുമായി ബന്ധപ്പെട്ട് നഷ്ടപരിഹാരങ്ങള്‍ ലോറിക്കാരില്‍ നിന്ന് ഈടാക്കാന്‍ തീരുമാനിച്ചു.
സിഗ്നല്‍ സംവിധാനം തകരാറിലായ വിവരം കെല്‍ട്രോണിനെ അറിയിച്ചുവെന്ന് പഞ്ചായത്ത് പ്രസിഡന്റ് ജി വേണുലാല്‍ അറിയിച്ചു.