നെടുമങ്ങാട്: വീടിന്റെ തട്ടിന്‍ പുറത്തുനിന്നും കടന്നല്‍ കുത്തേറ്റ് ചികില്‍സയിലായിരുന്ന പത്തൊമ്പത്കാരി മരിച്ചു.
നെടുമങ്ങാട് വേങ്കവിള സാന്ദ്രഭവനില്‍ രാജന്റേയും സാജിതയുടേയും മകള്‍ സാന്ദ്രയാണ് മരിച്ചത്. ഒപ്പമുണ്ടായിരുന്ന കുഞ്ഞിനെ കടന്നലില്‍ നിന്നും രക്ഷിക്കാന്‍ ശ്രമിക്കുന്നതിനിടയിലാണ് കുത്തേറ്റത്. അഞ്ചുദിവസം മുമ്പായിരുന്നു സം
ഭവം.
വീട്ടില്‍ വന്ന ബന്ധുവായ കുട്ടിക്ക് തട്ടിന്‍ മുകളില്‍ സൂക്ഷിച്ചിരുന്ന സൈക്കിള്‍ എടുത്തുകൊടുക്കാന്‍ കയറിയതായിരുന്നു. സൈക്കിളില്‍ കൂടുകൂട്ടിയിരുന്ന കടന്നലുകള്‍
കുഞ്ഞിനെ കുത്താന്‍ ശ്രമിച്ചു. കടന്നലില്‍ നിന്നും രക്ഷിച്ച് കുഞ്ഞിനെ ചേര്‍ത്തു പിടിക്കുന്നതിനിടെ സാന്ദ്രയെ കടന്നലുകള്‍ കൂട്ടത്തോടെ ആക്രമിക്കുകയായിരുന്നു. നെടുമങ്ങാട് ജില്ലാ ആശുപത്രിയിലും തുടര്‍ന്ന് മെഡിക്കല്‍കോളജ് ആശുപത്രിയിലും പ്രവേശിപ്പിച്ചെങ്കിലും ചികിത്സയിലിരിക്കെ ബുധനാഴ്ച രാത്രി മരിച്ചു.
അടുത്തമാസമായിരുന്നു സാന്ദ്രയുടെ വിവാഹം നിശ്ചയിച്ചിരുന്നത്. സഹോദരി: സുധി.