അബൂദബി ആസ്ഥാനമായി പ്രവര്‍ത്തിക്കുന്ന ഫാല്‍ക്കണ്‍ ഏവിയേഷന്‍ സര്‍വീസസ് 2026 ജനുവരി 1 മുതല്‍ യുഎഇയില്‍ എയര്‍ ടാക്‌സി സര്‍വീസുകള്‍ ആരംഭിക്കാന്‍ പദ്ധതിയിടുന്നു. ഫാല്‍ക്കണ്‍ ഏവിയേഷന്‍ സര്‍വിസസ് സിഇഒ രമണ്‍ദീപ് ഒബറോയ് ആണ് ഇക്കാര്യം അറിയിച്ചത്.

യുഎസ് ആസ്ഥാനമായുള്ള ഇലക്ട്രിക് ഫ്ളയിംഗ് നിർമ്മാതാക്കളായ ആർച്ചർ ഏവിയേഷനും യുഎഇയിലെ ഏവിയേഷൻ സർവീസ് ഓപ്പറേറ്ററായ ഫാൽക്കൺ ഏവിയേഷനും 2024 മാർച്ചിൽ ദുബൈയിലെയും അബൂദബിയിലെയും നിർണായക സ്ഥലങ്ങളിൽ വെർട്ടിപോർട്ട് ഇൻഫ്രാസ്ട്രക്ടർ പങ്കാളികളാകാനുള്ള കരാറിൽ ഒപ്പുവച്ചിരുന്നു. ആർച്ചറും ഫാൽക്കൺ ഏവിയേഷനും ചേർന്ന് അറ്റ്ലാന്റിസ്, ദുബൈയിലെ പാം, അബൂദബി കോർണിഷിലെ മറീന മാൾ ഹെലിപോർട്ട് എന്നിവിടങ്ങളിൽ അത്യാധുനിക വെർട്ടിപോർട്ട് ഇൻഫ്രാസ്ട്രക്ടർ വികസിപ്പിക്കും.

രണ്ട് കമ്പനികളും ഈ രണ്ട് ഫാൽക്കൺ വെർട്ടിപോർട്ടുകൾക്കിടയിൽ ആർച്ചേഴ്സ് മിഡ്നൈറ്റ് ഫ്ളയിംഗ് കാറിൽ പാസഞ്ചർ സേവനങ്ങൾ വാഗ്ദാനം ചെയ്യും. അബൂദബിയിൽ ആദ്യത്തെ കൊമേഴ്‌സ്യൽ ഫ്‌ലൈയിംഗ് കാർ ഫ്ലൈറ്റ് 2026 ആദ്യ പാദത്തിൽ ആരംഭിക്കുമെന്ന് ഈ മാസം ആദ്യം ആർച്ചർ ഏവിയേഷൻ പ്രഖ്യാപിച്ചിരുന്നു.

The UAE is set to introduce air taxi services starting January 1, 2026, in partnership with Falcon Aviation Services, revolutionizing transportation in the country.