പാരിസ്: രാഷ്ട്രീയ അനിശ്ചിതാവസ്ഥക്ക് വിരാമം, ഫ്രാങ്കോയിസ് ബെയ്റൂവിനെ ഫ്രാൻസിൻ്റെ പുതിയ പ്രധാനമന്ത്രിയായി പ്രഖ്യാപിച്ചു. പ്രസിഡൻ്റ് ഇമ്മാനുവൽ മാക്രോണാണ് പ്രധാനമന്ത്രിയെ പ്രഖ്യാപിച്ചത്. രണ്ട് മണിക്കൂറോളം നീണ്ട ചർച്ചകൾക്ക് ഒടുവിലായിരുന്നു പ്രഖ്യാപനം. മൂവ്മെൻ്റ് ഡെമോക്രാറ്റ് പാർട്ടി നേതാവും മുൻ മന്ത്രിയുമാണ് 73കാരനായ ബെയ്‌റൂവ്. രണ്ടാം തവണ പ്രസിഡൻ്റ് പദവിയിലിരിക്കുന്ന മാക്രോൺ ഈ വർഷം നിയമിക്കുന്ന നാലാമത്തെ പ്രധാനമന്ത്രിയാണ് ബെയ്‌റൂവ്. മൈക്കൽ ബാർണിയർ മൂന്ന് മാസം തികയും മുമ്പ് പുറത്തായതിനെ തുടർന്നാണ് പുതിയ നിയമനം.

François Bayrouve is the new French Prime Minister