തൃശൂര്‍: കോടന്നൂരില്‍ പൊലിസ് ഉദ്യോഗസ്ഥന് നേരെ ആക്രമണം. ഒല്ലൂര്‍ സ്‌റ്റേഷനിലെ സിവില്‍ പൊലിസ് ഉദ്യോഗസ്ഥന്‍ റെനീഷിനെയാണ് 20 അംഗ സംഘം ആക്രമിച്ചത്. ഇയാളുടെ കവിളെല്ല് പൊട്ടി, മൂക്ക് തകര്‍ന്നിട്ടുണ്ട്. 

കലുങ്കിലിരുന്ന ആണ്‍കുട്ടികളുടെ ചിത്രമെടുത്തതിനെ തുടര്‍ന്നാണ് ഇരുകൂട്ടരും തമ്മില്‍ തര്‍ക്കമുണ്ടായത്. പിന്നീട് കൂടുതല്‍ പേര്‍ എത്തി പൊലിസ് ഉദ്യോഗസ്ഥനെ ആക്രമിക്കുകയായിരുന്നു. 

പരിക്കേറ്റ ഉദ്യോഗസ്ഥന്‍ തൃശൂരിലെ സ്വകാര്യ ആശുപത്രിയില്‍ ചികിത്സയിലാണ്. സംഭവത്തില്‍ കണ്ടാലറിയുന്ന 20 പേര്‍ക്കെതിരെ ചേര്‍പ്പ് പൊലിസ് കേസെടുത്തു.

police officer beaten up in thrissur