പാലക്കാട്: പുതിയ സാങ്കേതിക വിദ്യകള്‍ ലൈബ്രറികളില്‍ പ്രാവര്‍ത്തികമാക്കുന്നതിന്റെ ഭാഗമായി പാലക്കാട് താലൂക്ക് ലൈബ്രറി കൗണ്‍സിലിന്റെ നേതൃത്വത്തില്‍ താലൂക്കിലെ മുഴുവന്‍ ലൈബ്രേറിയന്മാര്‍ക്ക് 20 ദിവസത്തെ പരിശീലനം ഇ. പത്മനാഭന്‍ സ്മാരക ഗ്രന്ഥശാലാ മന്ദിരത്തില്‍ ആരംഭിച്ചു.
വി.വി. ദക്ഷിണാമൂര്‍ത്തിയുടെ നിര്യാണത്തില്‍ അനുശോചനം രേഖപ്പെടുത്തിക്കൊണ്ടാണ് ക്ലാസ്സ് ആരംഭിച്ചത്. ജില്ലാ ലൈബ്രറി കൗണ്‍സില്‍ സെക്രട്ടറി എം. കാസിം അനുസ്മരണ പ്രഭാഷണം നടത്തി. സംസ്ഥാന കൗണ്‍സില്‍ അംഗങ്ങളായ എം.എം.എ. ബക്കര്‍, ടി.എ. കൃഷ്ണന്‍കുട്ടി, ചിറ്റൂര്‍ താലൂക്ക് സെക്രട്ടറി സി. കൃഷ്ണന്‍ പ്രസംഗിച്ചു. സംസ്ഥാനതല പരിശീലനം ലഭിച്ച കിഴക്കഞ്ചേരി ലൈബ്രേറിയന്‍ മിനി. ടി.എം, എലപ്പുളളി ലൈബ്രേറിയന്‍ പി. കുഞ്ഞികൃഷ്ണന്‍, കെ.കെ.എം. ലൈബ്രേറിയന്‍ ചിന്നക്കുട്ടന്‍, സജീഷ് പട്ടാമ്പി എന്നിവരാണ് ക്ലാസ്സിന് നേതൃത്വം നല്‍കുന്നത്. പാലക്കാട് താലൂക്ക് സെക്രട്ടറി വി. രവീന്ദ്രന്‍ സ്വാഗതവും ടി.എസ്. പീറ്റര്‍ നന്ദിയും രേഖപ്പെടുത്തി.