കൊച്ചി: മുന്‍ ഗതാഗത കമ്മിഷണര്‍ ടോമിന്‍ തച്ചങ്കരിക്കെതിരേ വിജിലന്‍സ് കേസെടുത്ത് എഫ്‌ഐആര്‍ രജിസ്റ്റര്‍ ചെയ്തു.  


ഗതാഗത കമ്മീഷണര്‍ ആയിരിക്കെ ക്രമക്കേട് നടത്തിയെന്ന പരാതിയിലാണ്  കേസ്.



തിരുവനന്തപുരത്തെ വാഹന ഡീലര്‍ക്ക് പിഴ ഇളവു നല്‍കി, മലിനീകരണ നിയന്ത്രണ നിയമം ഒരു കമ്പനിക്കു മാത്രമായി ഒഴിവാക്കി എന്നിവയാണ് കേസിനാധാരമായ സംഭവങ്ങള്‍.


പാലക്കാട് ആര്‍ടിഒ കേസില്‍ രണ്ടാംപ്രതിയാണ്. ആര്‍ടിഒയുമായി പണമിടപാടുകള്‍ നടത്തിയതു സംബന്ധിച്ച ശബ്ദരേഖയും കേസില്‍ നിര്‍ണായക തെളിവാണ്.


ഗതാഗത കമ്മീഷണറായിരിക്കെ തച്ചങ്കരി ഇറക്കിയ പല ഉത്തരവുകളും വിവാദമായിരുന്നു. ഇതില്‍ ത്വരിത പരിശോധന നടത്താന്‍ വിജിലന്‍സ് ഉത്തരവിട്ടിരുന്നു. ഈ പരിശോധനയിലാണ് ക്രമക്കേടുകള്‍ കണ്ടെത്തിയതും എഫ്‌ഐആര്‍ റജിസ്റ്റര്‍ ചെയ്യുകയും ചെയ്തത്.