വിദേശ തൊഴിലാളികൾക്ക് ഫൈനൽ എക്സിറ്റ് വിസ അനുവദിക്കുന്നതിന് 30 ദിവസത്തെയെങ്കിലും റെസിഡൻസി പെർമിറ്റ് (ഇഖാമ) കാലാവധി നിർബന്ധമാണെന്ന് സഊദി ജനറൽ ഡയറക്ടറേറ്റ് ഓഫ് പാസ്പോർട്സ് അറിയിച്ചത്.

Passports General Directorate: Minimum of 30 Days Required for Resident's ID Validity.https://t.co/wCa9eLCGBW#SPAGOV pic.twitter.com/3qvWPX5MbA

— SPAENG (@Spa_Eng) January 9, 2025

സഊദി പ്രസ്സ് ഏജൻസിയാണ് ഇക്കാര്യം റിപ്പോർട്ട് ചെയ്തത്. ഇത്തരം തൊഴിലാളികളുടെ ഇഖാമ കാലാവധി മുപ്പത് ദിവസത്തിൽ താഴെ ആണെങ്കിൽ ഫൈനൽ എക്സിറ്റ് വിസയ്ക്ക് അപേക്ഷിക്കുന്നതിന് മുൻപായി ഇഖാമ പുതുക്കാൻ ജനറൽ ഡയറക്ടറേറ്റ് ഓഫ് പാസ്പോർട്സ് തൊഴിലുടമകളോട് ആവശ്യപ്പെട്ടു.

റെസിഡൻസി പെർമിറ്റ് കാലാവധി മുപ്പത് ദിവസം മുതൽ അറുപത് ദിവസം വരെ ബാക്കിയുള്ളവർക്ക് അനുവദിക്കുന്ന ഫൈനൽ എക്സിറ്റ് വിസയുടെ സാധുത ഇഖാമയുടെ കാലാവധി എത്രയാണോ അത്രയും ദിവസങ്ങൾ തന്നെയായിരിക്കുമെന്ന് ജനറൽ ഡയറക്ടറേറ്റ് ഓഫ് പാസ്പോർട്സ് അറിയിച്ചു. അതേസമയം, അറുപത് ദിവസത്തിന് മുകളിൽ റെസിഡൻസി പെർമിറ്റ് കാലാവധിയുള്ളവർക്ക് അറുപത് ദിവസത്തെ സാധുതയുള്ള ഫൈനൽ എക്സിറ്റ് വിസ അനുവദിക്കുന്നതാണെന്നും അധികൃതർ വ്യക്തമാക്കി.

Saudi Arabia has introduced a new rule requiring a minimum 30-day valid iqama for individuals to obtain a final exit visa, effective immediately.