ന്യൂഡൽഹി: 2025-ലെ ഇന്ത്യൻ പ്രീമിയർ ലീഗ് (ഐ.പി.എൽ.) മത്സരങ്ങൾക്ക് മാർച്ച് 21-ന് തുടക്കമാകുമെന്ന് ബി.സി.സി.ഐ. വൈസ് പ്രസഡന്റ് രാജീവ് ശുക്ല അറിയിച്ചു. ഇന്ന് ബി.സി.സി.ഐ. ആസ്ഥാനത്ത് നടന്ന യോഗത്തിന് ശേഷമാണ് അദ്ദേഹം ഐ.പി.എൽ. മത്സരങ്ങളെ സംബന്ധിച്ച വിവരങ്ങൾ മാധ്യമങ്ങളോട് പറഞ്ഞത്. മെയ് 25-നായിരിക്കും ഐപിഎൽ ഫൈനൽ. വനിതാ പ്രീമിയർ ലീഗിൻ്റെ മത്സരത്തീയതി സംബന്ധിച്ച ചർച്ചകൾ അന്തിമഘട്ടത്തിലാണ്.
 
ബി.സി.സി.ഐയുടെ. പുതിയ സെക്രട്ടറി, ട്രഷറർ എന്നിവരെ തിരഞ്ഞെടുക്കുന്നതിൻ്റെ ഭാഗമായി നടത്തിയ യോഗത്തിലാണ് ഐ.പി.എൽ മത്സരങ്ങൾ സംബന്ധിച്ച തീരുമാനങ്ങളും കൈക്കൊണ്ടത്. ഈ വർഷത്തെ ഐ.പി.എൽ. മാർച്ച് 23-ന് തുടങ്ങുമെന്നായിരുന്നു നേരത്തെ പറഞ്ഞിരുന്നത്. രാജീവ് ശുക്ല തന്നെയാണ് തീയതി തിരുത്തിക്കൊണ്ടുള്ള അറിയിപ്പ് നൽകിയത്. ഒരു വർഷത്തേക്ക് പുതിയ കമ്മിഷണറെ നിയമിക്കാനും തീരുമാനമായിട്ടുണ്ട്. 

ജനുവരി 18,19 തീയതികളിൽ നടത്താൻ തീരുമാനിച്ചിട്ടുള്ള ബി.സി.സി.ഐ യോഗങ്ങളിലായിരിക്കും മത്സരക്രമം സംബന്ധിച്ചതടക്കമുള്ള കൂടുതൽ വിവരങ്ങൾ പുറത്തുവിടുന്നത്. 639.15 കോടി മുതൽ മുടക്കിൽ 182 കളിക്കാരുടെ ലേലമാണ് ഐ.പി.എൽ. 2025 മെഗാ ലേലത്തിൽ നടന്നത്.

The Indian Premier League (IPL) 2024 season is set to kick off on March 21, with the final match scheduled for May 25.