സാന്റിയാഗോ ബെർണാബ്യു: സ്പാനിഷ് ലീഗിലെ മാഡ്രിഡ് ഡെർബി സമനിലയിൽ പിരിഞിരുന്നു. മത്സരത്തിൽ റയൽ മാഡ്രിഡും അത്ലറ്റിക്കോ മാഡ്രിഡും ഓരോ ഗോൾ വീതം നേടി പോയിന്റുകൾ പങ്കുവെക്കുകയായിരുന്നു. മത്സരത്തിൽ റയലിനായി ഗോൾ നേടിയത് ഫ്രഞ്ച് സൂപ്പർതാരം കിലിയൻ എംബാപ്പെയാണ് ഗോൾ നേടിയത്. മത്സരത്തിൽ രണ്ടാം പകുതിയിൽ ൫൦ാം മിനിറ്റിൽ ആയിരുന്നു താരത്തിന്റെ ഗോൾ പിറന്നത്. 

ഇതോടെ 2018ന്‌ ശേഷം അരങ്ങേറ്റ സീസണിൽ തന്നെ ബാഴ്സലോണക്കെതിരെയും അത്ലറ്റികോ മാഡ്രിഡിനെതിരെയും ഗോൾ നേടുന്ന താരമായി മാറാനും എംബാപ്പെക്ക് സാധിച്ചു. 2018ലാണ് റയൽ മാഡ്രിഡ് ഇതിഹാസം ക്രിസ്റ്റ്യാനോ റൊണാൾഡോ റയൽ വിട്ട് ഇറ്റാലിയൻ ക്ലബ് യുവന്റസിലേക്ക് പോയത്. റൊണാൾഡോ റയൽ വിട്ടതിന് ശേഷം ആദ്യമായാണ് ഇങ്ങനെയൊരു സംഭവം റയലിൽ നടക്കുന്നതെന്നും ശ്രദ്ധേയമാണ്. 

ഈ സീസണിൽ ആണ് എംബാപ്പെ പിഎസ്ജിയിൽ നിന്നും റയലിൽ എത്തുന്നത്. സീസണിന്റെ തുടക്കത്തിൽ ടീമിനൊപ്പം താളം കണ്ടെത്താൻ ഫ്രഞ്ച് സൂപ്പർതാരത്തിന് സാധിച്ചിരുന്നില്ല. എന്നാൽ പിന്നീട് താരം ടീമിനൊപ്പം സ്ഥിരതയാർന്ന പ്രകടനങ്ങൾ നടത്തുകയായിരുന്നു. മത്സരത്തിൽ അത്ലറ്റികോ മാഡ്രിഡിന് വേണ്ടി ഗോൾ നേടിയത് അർജന്റൈൻ താരം ജൂലിയൻ അൽവാരസ് ആയിരുന്നു. ആദ്യ പകുതിയിൽ ലഭിച്ച പെനാൽറ്റി കൃത്യമായി ലക്ഷ്യത്തിൽ എത്തിക്കുകയായിരുന്നു താരം. 

സമനിലയോടെ ലാ ലീഗ പോയിന്റ് പട്ടികയിൽ ഒന്നാം സ്ഥാനത്താണ് റയൽ മാഡ്രിഡ്. 23 മത്സരങ്ങളിൽ നിന്നും 15 വിജയവും 5 സമനിലയും 3 തോൽവിയും അടക്കം 50 പോയിന്റാണ് റയലിന്റെ കൈവശമുള്ളത്. 49 പോയിന്റുമായി അത്ലറ്റിക്കോ മാഡ്രിഡ് ആണ് രണ്ടാം സ്ഥാനത്തുള്ളത്. 45 പോയിന്റോടെ ബാഴ്‌സയാണ് മൂന്നാം സ്ഥാനത്തുള്ളത്.