ബാംഗ്ലൂർ: വനിതാ പ്രീമിയർ ലീഗിൽ തകർപ്പൻ നേട്ടവുമായി റോയൽ ചലഞ്ചേഴ്‌സ് ബെംഗളൂരുവിന്റെ ഓസ്‌ട്രേലിയൻ സൂപ്പർതാരം എലീസ് പെറി. യുപി വാരിയേഴ്സിനെതിരെയുള്ള മത്സരത്തിൽ 56 പന്തിൽ പുറത്താവാതെ 90 റൺസ് നേടിയാണ് ഓസ്‌ട്രേലിയൻ താരം തിളങ്ങിയത്. ഒമ്പത് ഫോറുകളും മൂന്ന് സിക്സുമാണ് താരം നേടിയത്. ഇതോടെ  വിമൺസ് പ്രീമിയർ ഏറ്റവും കൂടുതൽ റൺസ് നേടുന്ന താരമായും പെറി മാറി. 782 റൺസ് നേടിയ ഓസ്‌ട്രേലിയൻ താരം മെഗ് ലാനിംഗിനെ മറികടന്നാണ് എലീസ് പെറി.ഈ നേട്ടം സ്വന്തമാക്കിയത്. ടൂർണമെന്റിന്റെ ചരിത്രത്തിൽ 800 റൺസ് നേടുന്ന ആദ്യ താരവും പെറി തന്നെയാണ്.

ആദ്യം ബാറ്റ് ചെയ്ത ആർസിബി ആറ് വിക്കറ്റ് നഷ്ടത്തിൽ 180 റൺസാണ് നേടിയത്. ബെംഗളൂരുവിന് വേണ്ടി പെറിക്ക് പുറമെ ഡാനി വ്യാറ്റ്
ഹോഡ്ജ് അർദ്ധ സെഞ്ച്വറിയും നേടി. 41 പന്തിൽ 57 റൺസാണ് താരം അടിച്ചെടുത്തത്. നാല് ഫോറുകളും മൂന്ന് സിക്സുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്. 

യുപി വാരിയേഴ്‌സ് പ്ലെയിംഗ് ഇലവൻ

കിരൺ നവഗിരെ, വൃന്ദ ദിനേശ്, ദീപ്തി ശർമ്മ (ക്യാപ്റ്റൻ), താലിയ മഗ്രാത്ത്, ശ്വേത സെഹ്‌രാവത്, ഗ്രേസ് ഹാരിസ്, ചിനെല്ലെ ഹെൻറി, ഉമാ ചേത്രി (വിക്കറ്റ് കീപ്പർ)), സോഫി എക്ലെസ്റ്റോൺ, സൈമ താക്കൂർ, ക്രാന്തി ഗൗഡ്.

റോയൽ ചലഞ്ചേഴ്‌സ് ബെംഗളൂരു പ്ലെയിംഗ് ഇലവൻ

സ്മൃതി മന്ദാന (ക്യാപ്റ്റൻ), ഡാനി വ്യാറ്റ് ഹോഡ്ജ്, എല്ലിസ് പെറി, രാഘ്വി ബിസ്റ്റ്, റിച്ച ഘോഷ് (വിക്കറ്റ് കീപ്പർ)), കനിക അഹൂജ, ജോർജിയ വെയർഹാം, കിം ഗാർത്ത്, സ്നേഹ റാണ, ഏക്താ ബിഷ്ത്, രേണുക സിംഗ് താക്കൂർ.