ആരോഗ്യം ഗുണങ്ങള്‍ ധാരാളമുള്ളവയാണ് പുളി. ഇത് പാചകത്തിന് മാത്രമല്ല ഉപയോഗിക്കുന്നത്. പുളി ഉപയോഗിച്ച് ചര്‍മസംരക്ഷണവും നടത്താം. ഇത് അധിക പേര്‍ക്കും അറിയില്ലെന്നു മാത്രം. അതിശയിപ്പിക്കുന്ന ഗുണങ്ങളാണ് ചര്‍മത്തിനു ഇത് നല്‍കുക.

ആല്‍ഫ ഹൈഡ്രോക്‌സി ആസിഡുകള്‍ കൊണ്ട് സമ്പുഷ്ടമാണ് പുളി. അതുകൊണ്ടു തന്നെ പുളി പ്രകൃതിദത്തമായ ഒരു എക്‌സ്‌ഫോളിയന്റായി പ്രവര്‍ത്തിക്കുകയും ചെയ്യുന്നു. ഇത് ചര്‍മത്തിലെ മൃതകോശങ്ങള്‍ നീക്കം ചെയ്യാനും സുഷിരങ്ങള്‍ തുറക്കാനും സഹായിക്കും. 

ചര്‍മത്തിന്റെ പുനരുജ്ജീവനത്തിന് നിര്‍ണായക പങ്കുവഹിക്കുന്നവയാണ് പുളി. ഇതിലടങ്ങിയ ആല്‍ഫ ഹൈഡ്രോക്‌സി ആസിഡുകള്‍ ചര്‍മത്തിലെ മൃതകോശങ്ങളെ നീക്കം ചെയ്യാന്‍ സഹായിക്കുകയും ചര്‍മത്തിന് തിളക്കം നല്‍കുകയും ചെയ്യുന്നു. 
ഇതിനായി വീട്ടില്‍ തന്നെ നിങ്ങള്‍ക്ക് സിംപിളായി ഒരു സ്‌ക്രബ് ഉണ്ടാക്കിയെടുക്കാവുന്നതാണ്.

പുളിയുടെ പള്‍പ്പ് എടുത്ത് ഇതിലേക്ക് കുറച്ച് തേനോ അല്ലെങ്കില്‍ എണ്ണയോ ചേര്‍ത്ത് മിക്‌സ് ചെയ്ത് മൃദുവായി മസാജ് ചെയ്യുക. ഇത് മൃതുകോശങ്ങളെ നീക്കം ചെയ്യുകയും ചെയ്യുന്നു. ചര്‍മത്തെ പുനരുജ്ജീവിപ്പിക്കാനും പോഷണം നല്‍കാനും മിനുസമുള്ളതാക്കാനും ഇത് സഹായിക്കുന്നു. 

 ഹൈപ്പര്‍ പിഗ്മെന്റേഷനെ ചെറുക്കാനുള്ള കഴിവും പുളിക്കുണ്ട്. കറുത്ത പാടുകള്‍ കുറയ്ക്കുകയും ചര്‍മത്തിന്റെ നിറം തുല്യമാക്കുകയും ചെയ്യുന്നു. പതിവായി ഉപയോഗിക്കുന്നത് കൂടുതല്‍ നിറം നല്‍കാനും പിഗ്മന്റേഷന്‍ നല്ലതു പോലെ കുറയ്ക്കാനും സഹായിക്കുന്നു.

പെട്ടെന്ന് പ്രായമാകുന്നതിലേക്ക് നയിക്കുന്ന ഫ്രീ റാഡിക്കലുകളില്‍ നിന്നും ചര്‍മത്തെ സംരക്ഷിക്കാനും സഹായിക്കുന്നു. മാത്രമല്ല പുളി ചര്‍മത്തിന്റെ ഇലാസ്തികതയും യുവത്വവും നിലനിര്‍ത്താനും സഹായിക്കുന്നു. നിങ്ങളുടെ ചര്‍മത്തെ തിളക്കമുള്ളതാക്കാന്‍ താല്‍പര്യമുണ്ടെങ്കില്‍ സൗന്ദര്യസംരക്ഷണത്തില്‍ നിങ്ങള്‍ക്കു പുളി ഉപയോഗിക്കാവുന്നതാണ്. ഏത് സാധനം ഉപയോഗിക്കുന്ന പോലെ ചര്‍മത്തില്‍ ഒരു പാച്ച് ടെസ്റ്റ് നടത്തുന്നത് വളരെയധികം ഗുണം ചെയ്യും.