കൊച്ചി: ജില്ലാ ജയിലിൽ ഗുണ്ടാ നേതാക്കൾക്ക് വിരുന്നൊരുക്കി കേരള പൊലിസ്. എറണാകുളം കാക്കനാട് ജില്ലാ ജയിലിലാണ് സംഭവം. വെൽഫയർ ഉദ്യോഗസ്ഥന്റെ വിരമിക്കൽ ചടങ്ങുമായി ബന്ധപ്പെട്ടാണ് ഗുണ്ടകൾ ജയിലിൽ എത്തിയത്. മൂന്ന് നേതാക്കൾക്കായിരുന്നു പൊലിസിന്റെ വിരുന്നൊരുക്കൽ. 

സംസ്ഥാനത്ത് കൂട്ടവിരമിക്കൽ നടന്ന മെയ് 31 നായിരുന്നു കാക്കനാട് ജയിലിൽ വിരുന്നൊരുക്കിയത്. അന്നേ ദിവസം ജയിലിലെ വെൽഫയർ ഉദ്യോഗസ്ഥൻ വിരമിച്ചിരുന്നു. ഇതിന്റെ വിരുന്നിനായി എത്തിയ സംഘം ഇവിടെ നിന്ന് ഭക്ഷണം കഴിച്ചതിന് പുറമെ ജയിലിൽ നിന്ന് റീൽസ് ചിത്രീകരണവും നടത്തി. 

സംഭവത്തിൽ പൊലിസിൻ്റെ രഹസ്യാന്വേഷണ വിഭാ​ഗം അന്വേഷണം തുടങ്ങി.