കൊല്ലം: ഒരു നാടിനെ മുഴുവന്‍ ആശങ്കയിലാക്കിയ 13കാരിയുടെ തിരോധാന വാര്‍ത്തക്ക് ശുഭപര്യവസാനം. 13കാരിയെ കണ്ടെത്തിയതായി റിപ്പോര്‍ട്ട്.  കൊല്ലത്ത് നിന്ന് വീടുവിട്ടിറങ്ങിയ പെണ്‍കുട്ടിയെ മലപ്പുറം തിരൂരില്‍ കണ്ടെത്തിയതായാണ് വിവരം. മാതാവ് വഴക്കുപറഞ്ഞതിനാണ് കുട്ടി വീട്ടില്‍ നിന്നിറങ്ങി പോയതെന്നാണ് സൂചന. കൊല്ലത്തുനിന്ന് ട്രെയിനില്‍ കയറിയാണ് കുട്ടി പോയത്. യാത്രക്കിടെ കുട്ടിയെ കണ്ടെത്തിയവര്‍ പൊലിസില്‍ അറിയിക്കുകയായിരുന്നു. കുട്ടി മാതാവിനെ ഫോണില്‍ വിളിച്ച് സംസാരിച്ചതായി പൊലിസ് പറഞ്ഞു.

ആവണീശ്വരം കുളപ്പുറം സ്വദേശിയായ പെണ്‍കുട്ടി ഇന്നലെ ഉച്ച രണ്ടുമണി മുതലാണ് കാണാതായത്. കുടുംബം വൈകീട്ട് ആറരയോടെ പൊലിസില്‍ പരാതി നല്‍കി.