ആലക്കോട്: തളിപ്പറമ്പ് കൂര്‍ഗ് ബോര്‍ഡര്‍ റോഡില്‍  പൊതുജനങ്ങള്‍ക്ക് കെണിയൊരുക്കി സ്വകാര്യ കമ്പനി സ്ഥാപിച്ച ദിശാ ബോര്‍ഡുകള്‍ മാറ്റി സ്ഥാപിച്ചു. തെറ്റായ വിവരങ്ങള്‍ നല്‍കിയ ബോര്‍ഡുകളെക്കുറിച്ച് സുപ്രഭാതം  കഴിഞ്ഞ ദിവസം റിപ്പോര്‍ട്ട് ചെയ്തിരുന്നു. കലക്ടറുടെ പ്രത്യേക നിര്‍ദേശ പ്രകാരമാണ് ബോര്‍ഡുകള്‍ സ്ഥാപിച്ചതെന്നായിരുന്നു കമ്പനിയുടെ അവകാശ വാദം.  എന്നാല്‍ തളിപ്പറമ്പ് മുതല്‍ ആലക്കോട് വരെ വിവിധയിടങ്ങളില്‍ സ്ഥാപിച്ച ബോര്‍ഡുകളില്‍ സ്ഥലങ്ങള്‍ തമ്മിലുള്ള അകലം തെറ്റായാണ് രേഖപെടുത്തിയിരുന്നത്. വാര്‍ത്ത ശ്രദ്ധയില്‍പെട്ടതോടെയാണ്  കമ്പനിക്ക് അബദ്ധം മനസിലായത്. തുടര്‍ന്ന് മുഴുവന്‍ ബോര്‍ഡുകളിലെയും തെറ്റായ വിവരങ്ങള്‍ നീക്കം ചെയ്യുകയും പുതിയവ സ്ഥാപിക്കുകയുമായിരുന്നു.