ബാഴ്സലോണ ക്ലബ്ബിന്റെ ചരിത്രത്തിലെ ഏറ്റവും മികച്ച സീസണുകളിൽ ഒന്നായിരുന്നു 2014-15. ആ സീസണിൽ യുവേഫ ചാമ്പ്യൻസ് ലീഗ്, ലാ ലിഗ, കോപ്പാഡറെ എന്നീ കിരീടങ്ങൾ ആയിരുന്നു ബാഴ്സ സ്വന്തമാക്കിയിരുന്നത്. ബാഴ്സലോണയുടെ ഏറ്റവും മികച്ച സീസണായി മാറിയ ഈ കാലഘട്ടത്തിൽ അന്നത്തെ പരിശീലകനായ ലൂയിസ് എൻറിക്വയും ഇതിഹാസതാരം ലയണൽ മെസ്സിയും തമ്മിലുള്ള ബന്ധം എങ്ങനെയായിരുന്നു എന്ന് പറയുകയാണ് മുൻ ബാഴ്സലോണ ഗോൾകീപ്പർ ജോർഡി മാസിപ്പ്. ഈ കാലഘട്ടത്തിൽ മെസിയും ലൂയിസ് എൻറിക്വിയും തമ്മിൽ സംഘർഷങ്ങൾ നിലനിന്നിരുന്നു എന്നാണ് മുൻ ബാഴ്സലോണ ഗോൾകീപ്പർ പറഞ്ഞത്. കാഡെനെ എസ്ഇആറിന് നൽകിയ അഭിമുഖത്തിൽ ആയിരുന്നു മാസിപ്പ് ഇക്കാര്യം പറഞ്ഞത്. 

"ലൂയിസ് എൻറിക്വിയും മെസിയും തമ്മിൽ ഏറ്റുമുട്ടിയിരുന്നില്ല.  പക്ഷേ ഒരുപാട് സംഘർഷങ്ങൾ നിലനിന്നിരുന്നു. അന്നത്തെ സാഹചര്യങ്ങൾ കണക്കിലെടുക്കുമ്പോൾ ഇത് സാധാരണമായിരുന്നു. ആ സീസണിൽ ഞങ്ങൾ ട്രബിൾ നേടി" മുൻ ബാഴ്സ ഗോൾകീപ്പർ പറഞ്ഞു.

 2014 സമ്മറിൽ സെൽറ്റോ വിഗോയിൽ നിന്നായിരുന്നു ലൂയിസ് ബാഴ്സലോണയുടെ പരിശീലകനായി ചുമതലയേറ്റത്. സ്പാനിഷ് ക്ലബ്ബിനൊപ്പഉള്ള തന്റെ ആദ്യ സീസണിൽ തന്നെ ടീമിന് ഏറ്റവും മികച്ച ഒരു സീസൺ സമ്മാനിക്കാൻ എന്തൊക്കെ സാധിച്ചു എന്നത് ഏറെ ശ്രദ്ധേയമാണ്. ആ സീസണിലായിരുന്നു മെസി, നെയ്മർ സുവാരസ്, എംഎൻഎസ് സഖ്യം ഫുട്ബോൾ ലോകത്തിൽ ശ്രദ്ധ പിടിച്ചു പറ്റിയത്.

2021ലാണ് ലയണൽ മെസി ബാഴ്സലോണക്കൊപ്പമുള്ള തന്റെ നീണ്ട ഫുട്ബോൾ കരിയർ അവസാനിപ്പിച്ചുകൊണ്ട് ഫ്രഞ്ച് ക്ലബ്ബായ പാരീസ് സെയ്ന്റ് ജെർമെയ്നിലേക്ക് ചേക്കേറിയത്. ബാഴ്സലോണയിൽ നിന്നും ഫ്രീ ഏജന്റായാണ് മെസി പാരീസിൽ എത്തിയത്.  പിഎസ്ജിക്ക്‌ വേണ്ടി രണ്ട് സീസണുകളിലാണ് മെസി പന്തു തട്ടിയത്. പാരീസിനായി 32 ഗോളുകളും 35 അസിസ്റ്റുകളുമാണ് മെസി നേടിയത്. ടീമിനൊപ്പം രണ്ട് ലീഗ് കിരീടങ്ങളും മെസി സ്വന്തമാക്കിയിരുന്നു.

2023ലാണ് മെസി പാരീസ് വിട്ട് മേജർ ലീഗിലേക്ക് പോയത്. 2023ലാണ് മെസി അമേരിക്കൻ ഫുട്ബോളിന്റെ ഭാഗമാവുന്നത്. ഫ്രഞ്ച് ക്ലബ്‌ പിഎസ്ജിയിൽ നിന്നുമാണ് താരം ഇന്റർ മയാമിയിൽ എത്തിയത്. മെസിയുടെ വരവിന് പിന്നലെ പല സൂപ്പർതാരങ്ങളും ഇന്റർ മയാമിയിലെത്തി. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഇതിന് പുറമെ സപ്പോർട്ടേഴ്‌സ് ഷീൽഡും മയാമി സ്വന്തമാക്കി. 

Former Barcelona goalkeeper Jordi Masip talks about the relationship between Barcelonas 2014 coach Luis Enrique and legendary star Lionel Messi