ഇടുക്കി: തൊടുപുഴയിലെ ബിജു വധക്കേസ് അസ്രൂതിതമാണെന്ന് പൊലിസ്. അഞ്ചു ദിവസങ്ങൾ നീണ്ടുനിന്ന ആസൂത്രണങ്ങൾക്ക് പിന്നാലെയാണ് ബിജുവിനെ തട്ടിക്കൊണ്ടുപോയി കൊലപ്പെടുത്തിയതെന്നാണ് പൊലിസിന്റെ കണ്ടെത്തൽ. പ്രതികൾ എറണാംകുളത്ത് വെച്ച് ഗൂഢാലോചന നടത്തിയെന്നും കൊലപാതകം നടത്തുന്നതിന് മുമ്പായി ഇവർ പ്രത്യേകമായ് പൂജയും നടത്തി. ദൃശ്യം നാല് നടപ്പാക്കി എന്ന് പറയുന്ന കേസിലെ ഒന്നാം പ്രതിയായ ജോമോന്റെ ശബ്ദ പരിശോധനയും പൊലിസ് നടത്തി. മാർച്ച് 15ന് പ്രതികൾ വൈപ്പിനിലെ ബാറിലും നെട്ടൂരിലെ ലോഡ്ജിലും വെച്ച് ഗൂഢാലോചന നടത്തിയതായും പറവൂരിലെ ക്ഷേത്രത്തിൽ പൂജ നടത്തിയെന്നുമാണ് പൊലിസ് കണ്ടെത്തിയത്. 

മാർച്ച് 20നായിരുന്നു ബിജുവിനെ ബിസിനസ് പങ്കാളിയായ ജോമോനും കേസിലെ മറ്റ് പ്രതികളായ മുഹമ്മദ് അസ്‌ലം, ആഷിഖ് ജോൺസൺ, ജോമിൻ കുര്യൻ എന്നിവർ ചേർന്ന് തട്ടിക്കൊണ്ടുപോയി കൊലപ്പെടുത്തിയത്. ബിസിനസ് പാട്നർമാർ തമ്മിലുണ്ടായ സാമ്പത്തികമായ തർക്കമാണ് കൊലപാതകത്തിലേക്ക് നയിച്ചതെന്നാണ് പൊലിസിന്റെ വിലയിരുത്തൽ. 

ബിജുവിനെ കാണാനില്ലെന്ന് കേസ് ആയിരുന്നു ആദ്യം രജിസ്റ്റർ ചെയ്തിരുന്നത്. എന്നാൽ പിന്നീട് നടന്ന അന്വേഷണത്തിൽ ബിസിനസ് പങ്കാളിത്തവുമായി ബന്ധപ്പെട്ട ചില പ്രശ്നങ്ങൾ നിലനിൽക്കുന്നുവെന്ന് കണ്ടെത്തുകയായിരുന്നു. ഇതിന് പിന്നാലെ നടത്തിയ അന്വേഷണത്തിലാണ് ഇതൊരു കൊലപാതകം ആണെന്ന് പൊലിസ് മനസ്സിലാക്കിയത്.

പൊലിസിന്റെ അന്വേഷണം നടക്കുന്നതിനിടെയാണ് ബിജുവിന്റെ കാറ്ററിങ് ബിസിനസ് പങ്കാളിയടക്കമുള്ള മൂന്നു പേരെ കസ്റ്റഡിയിലെടുക്കുകയും ചോദ്യം ചെയ്യുകയും ചെയ്തത്. ഇവരിൽ നിന്നും ലഭിച്ച വിവരമനുസരിച്ചാണ് കലയന്താനിയിലെ ഗോഡൗണിലെ മാൻഹോളിൽ ഉള്ള ബിജുവിന്റെ മൃതദേഹം കണ്ടെത്തിയിരുന്നത്. ഭക്ഷണാവശിഷ്ടങ്ങൾ തള്ളിക്കളയുന്ന മാലിന്യ സംസ്‌കരണ കുഴിയിലേക്ക് പോകുന്ന മാൻഹോളിലാണ് മൃതദേഹം കണ്ടെത്തിയത്.

Thodupuzha Biju incident Police say the accused committed the murder with proper planning