കൊച്ചി: മുഖ്യമന്ത്രി പിണറായി വിജയനെതിരേ യൂത്ത് കോണ്‍ഗ്രസ് പ്രവര്‍ത്തകരുടെ കരിങ്കൊടി പ്രതിഷേധം. ഇന്ന് വൈകീട്ട് കൊച്ചി രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍ ഓള്‍ ഇന്ത്യ പൊലിസ് ബാഡ്മിന്റണ്‍ ടൂര്‍ണമെന്റ് ഉദ്ഘാടനം ചെയ്യാനെത്തിയപ്പോഴായിരുന്നു യൂത്ത് കോണ്‍ഗ്രസ് പ്രവര്‍ത്തകര്‍ മുഖ്യമന്ത്രിയെ കരിങ്കൊടി കാണിച്ചത്. സിഎംആര്‍എല്‍ കേസില്‍ മകള്‍ വീണ വിജയന്‍ എസ്എഫ്‌ഐഒ നടപടി നേരിടുന്ന സാഹചര്യത്തില്‍ പിണറായി വിജയന്‍ മുഖ്യമന്ത്രി സ്ഥാനം രാജി വക്കണമെന്ന് ആവശ്യപ്പെട്ടായിരുന്നു യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധവുമായി എത്തിയത്. 

ഹെലികോപ്റ്ററില്‍ തിരുവനന്തപുരത്ത് നിന്നും കൊച്ചിയിലെത്തിയ മുഖ്യമന്ത്രി ഉദ്ഘാടനത്തിനായി ഗസ്റ്റ് ഹൗസില്‍ നിന്ന് പുറത്തേക്കിറങ്ങുമ്പോള്‍ പത്തോളം യൂത്ത് കോണ്‍ഗ്രസ് പ്രവര്‍ത്തകര്‍ തൊട്ടടുത്തുള്ള പിഡബ്ല്യൂഡി റസ്റ്റ്ഹൗസില്‍ നിന്നും കരിങ്കൊടിയുമായി ഓടിയെത്തുകയായിരുന്നു. കരിങ്കൊടി കാണിച്ച പ്രവര്‍ത്തകരെ പൊലിസ് അറസ്റ്റ് ചെയ്ത് നീക്കി.

Youth Congress workers staged a black flag protest against Kerala Chief Minister Pinarayi Vijayan during his visit to Kochi. The demonstration took place as the CM arrived to inaugurate the All India Police Badminton Tournament at the Rajiv Gandhi Indoor Stadium. The protest highlights rising political tensions in the state, with opposition groups challenging the ruling government's policies. Authorities maintained tight security during the event.