കൽപ്പറ്റ: ദേശീയ പണിമുടക്കിൽ പങ്കെടുക്കാതെ ഓഫീസുകളിൽ ഹാജരായ ജീവനക്കാരെ ആക്രമിച്ച സിഐടിയു പ്രവർത്തകർക്കെതിരെ ജാമ്യമില്ലാ വകുപ്പുകൾ ചുമത്തി കേസെടുക്കണമെന്നും മാതൃകാപരമായി ശിക്ഷിക്കണമെന്നും കേരള എൻജിഒ അസോസിയേഷൻ സംസ്ഥാന കമ്മിറ്റി ആവശ്യപ്പെട്ടു.

കേന്ദ്രസർക്കാരിനെതിരായ പണിമുടക്കിൽ സംസ്ഥാനത്തെ തൊഴിലാളി വിഷയങ്ങൾ ഉൾപ്പെടുത്താത്തതിനാൽ, കേരള എൻജിഒ അസോസിയേഷൻ പണിമുടക്കിൽനിന്ന് വിട്ടുനിന്നു. കേന്ദ്രസർക്കാരിനേക്കാൾ തൊഴിലാളി വിരുദ്ധ നയങ്ങൾ സ്വീകരിക്കുന്ന സംസ്ഥാന സർക്കാരിനെതിരെ ആവശ്യങ്ങൾ ഉന്നയിക്കാത്ത തൊഴിലാളി സംഘടനകളുടെ നിലപാടിനെ എതിർത്തുകൊണ്ടാണ് അസോസിയേഷൻ ജീവനക്കാർ ജോലിക്ക് ഹാജരാകാൻ തീരുമാനിച്ചത്.

സംസ്ഥാനവ്യാപകമായി എൻജിഒ അസോസിയേഷന്റെയും സെറ്റോയുടെയും പ്രവർത്തകരെ തിരഞ്ഞുപിടിച്ച് സിഐടിയു ഗുണ്ടകൾ ആക്രമിച്ചതായി അസോസിയേഷൻ ആരോപിച്ചു. കണ്ണൂർ തലശ്ശേരിയിൽ അസോസിയേഷൻ ബ്രാഞ്ച് പ്രസിഡന്റ് രൂപേഷിനെ ക്രൂരമായി മർദിച്ചു. ചവറ പഞ്ചായത്തിലെ ജീവനക്കാരൻ അനിൽകുമാറിനെ കസേര എടുത്ത് അടിച്ചു പരിക്കേൽപ്പിക്കുകയും കോഴിക്കോട് വെസ്റ്റ് ഹിൽ എഞ്ചിനീയറിങ് കോളേജിലും ആറ്റിങ്ങൽ സിവിൽ സ്റ്റേഷനിൽ ഉൾപ്പെടെ നിരവധി ഓഫീസുകളിൽ ആസൂത്രിതമായ ഇടത് തൊഴിലാളി സംഘടനകളുടെ ആക്രമണമാണ് ഉണ്ടായിരിക്കുന്നത്.ഇതിനെതിരെ ശക്തമായ പ്രതിഷേധം സംഘടന അറിയിക്കുന്നു. കുറ്റക്കാർക്കെതിരെ നടപടി സ്വീകരിച്ചില്ലെങ്കിൽ ശക്തമായ പ്രക്ഷോഭ പരിപാടികൾ സംഘടിപ്പിക്കമെന്ന് കേരള എൻജിഒ അസോസിയേഷൻ സംസ്ഥാന പ്രസിഡൻറ് എ എം ജാഫർഖാനും ജനറൽ സെക്രട്ടറി ജി എസ് . ഉമാശങ്കറും അറിയിച്ചു.

Kerala NGO Association has demanded non-bailable charges against CITU members who attacked employees attending work during a nationwide strike. The association opted out of the strike, citing the state government's anti-worker policies and the failure of trade unions to address local issues. CITU workers allegedly assaulted employees, including Rupesh in Thalassery and Anil Kumar in Chavara, and targeted offices like Kozhikode Engineering College and Attingal Civil Station. The association threatens strong protests if no action is taken.