ന്യൂഡൽഹി: ഗവർണർമാർക്ക് മാത്രമല്ല, രാഷ്ട്രപതിക്കും ബില്ലുകൾക്ക് തീരുമാനമെടുക്കാൻ സമയപരിധി നിർദ്ദേശിച്ച് സുപ്രീം കോടതി. സംസ്ഥാന നിയമസഭകൾ പാസാക്കിയ ബില്ലുകൾ രാഷ്ട്രപതിക്ക് വിടുന്ന സാഹചര്യത്തിൽ, അവയെക്കുറിച്ച് മൂന്നുമാസത്തിനുള്ളിൽ തീരുമാനമെടുക്കണമെന്നും ബില്ലുകൾ പിന്‍വലിച്ചുവയ്ക്കുകയോ തടയുകയോ ചെയ്താൽ അതിന് വ്യക്തമായ കാരണം രേഖപ്പെടുത്തണമെന്നും കോടതി വ്യക്തമാക്കി.

തമിഴ്നാട് സർക്കാരിന്റെ ഗവർണർക്കെതിരായ ഹർജിയിലാണ് സുപ്രീം കോടതി നിർണായക വിധി പുറപ്പെടുവിച്ചത്. ഭരണഘടന പ്രകാരം രാഷ്ട്രപതിക്കും സമ്പൂർണ്ണ വീറ്റോ അധികാരമില്ലെന്നും കോടതി വ്യക്തമാക്കി.

അതേസമയം, ഈ വിധിയെതിരെ ശക്തമായ പ്രതികരണവുമായി കേരള ഗവർണർ രാജേന്ദ്ര അർലേക്കർ രംഗത്തെത്തി. സുപ്രീം കോടതി ഭരണഘടനാ അധികാരപരിധി ലംഘിച്ചുവെന്നും, ഭരണഘടനയിൽ മാറ്റം വരുത്താനുള്ള അധികാരം പാർലമെന്റിന് മാത്രമുള്ളതെന്നും അദ്ദേഹം പറഞ്ഞു. രണ്ട് ജഡ്ജിമാർക്കിരുന്ന് ഭരണഘടന തിരുത്താനുള്ള അധികാരമില്ലെന്ന് ഗവർണർ കടുത്ത ഭാഷയിൽ പ്രതികരിച്ചു.

The Supreme Court ruled that the President must act on bills within three months, emphasizing that bills cannot be withheld without clear reasons. The verdict, given in a case involving the Tamil Nadu Governor, also clarified that even the President doesn't have absolute veto powers. Kerala Governor Rajendra Arlekar criticized the ruling, saying the Court exceeded its constitutional limits and only Parliament can amend the Constitution.