തൃശൂർ: വിദേശത്ത് ജോലി നൽക്കാമെന്ന് വാഗ്ദാനം ചെയ്ത് ആളുകളിൽ നിന്നും വൻ തുക തട്ടിയെടുത്ത കേസിൽ തൃശൂരിൽ നിന്ന് ഒരു യുവാവിനെ പൊലീസ് അറസ്റ്റ് ചെയ്തു. കാറളം ചെമ്മണ്ട സ്വദേശിയും തെക്കേക്കര വീട്ടിൽ താമസക്കാരനുമായ ആൽവിൻ (28) ആണ് തട്ടിപ്പുകേസിൽ പിടിയിലായത്. ഇയാൾ മൊത്തം 29,80,000 രൂപ പല‌രിൽ നിന്നായി തട്ടിയെടുത്തതായി പൊലീസ് അറിയിച്ചു.

അഗ്‌നീറ എബ്രോഡ് എഡ്യൂക്കേഷണൽ ആൻഡ് ജോബ് കൺസൾട്ടൻസി എന്ന സ്ഥാപനത്തിന്റെ പേരിലാണ് ആൽവിൻ തട്ടിപ്പ് നടത്തിയത്. കിഴുത്താണി സ്വദേശികളായ സുനിൽകുമാർ (53), ഭാര്യ നിഷ സുനിൽകുമാർ എന്നിവരുമായാണ് ആൽവിൻ ചേർന്ന് വിദേശ ജോലി വാഗ്ദാനം ചെയ്ത് ഏഴ് പേരിൽ നിന്നായി ലക്ഷങ്ങൾ തട്ടിയെടുത്തത്.

തൃശൂർ റൂറൽ ജില്ലാ പൊലീസ് മേധാവി ബി. കൃഷ്ണകുമാർ ഐപിഎസ് രൂപീകരിച്ച പ്രത്യേക അന്വേഷണ സംഘമാണ് പ്രതിയെ അറസ്റ്റ് ചെയ്തത്. ആൽവിനെ കോടതിയിൽ ഹാജരാക്കി റിമാൻഡ് ചെയ്തു.

ഇരിങ്ങാലക്കുട പൊലീസ് സ്റ്റേഷനിൽ ഇയാൾക്കെതിരെ ഏഴ് കേസുകൾ നിലവിലുണ്ട്. ഇതേസമയം പുതുക്കാട്, കൊടകര, വെള്ളിക്കുങ്ങര പോലീസ് സ്റ്റേഷനുകളിലും സമാനമായ തട്ടിപ്പുകളുമായി ബന്ധപ്പെട്ട് മൂന്ന് കേസുകൾ കൂടി ആൽവിനെതിരെയുണ്ടെന്ന് പൊലീസ് അറിയിച്ചു.

A 28-year-old man, Alvin from Karamukku, Thrissur, has been arrested for allegedly defrauding seven individuals of ₹29,80,000 by promising jobs abroad. He operated under the name “Agneera Abroad Educational and Job Consultancy” along with two accomplices, Sunil Kumar and his wife Nisha. Police said there are seven cases against Alvin at Irinjalakuda station, and three more in Puthukkad, Kodakara, and Vellikulangara. He was remanded after being produced in court.