ദോഹ: ഭക്ഷ്യ സുരക്ഷാ നിയമങ്ങൾ പാലിക്കാതിരുന്നതിനെ തുടർന്ന് ബേക്കറി അടച്ചു പൂട്ടി ഖത്തർ വാണിജ്യ വ്യവസായ മന്ത്രാലയം (MoCI). 2008-ലെ ഉപഭോക്തൃ സംരക്ഷണ നിയമത്തിലെ (നമ്പർ 8) 13-7 വകുപ്പിന്റെ ലംഘനത്തിനാണ് ബേക്കറി അടച്ചു പൂട്ടിയത്. ഒരു മാസത്തേക്കാണ് ബേക്കറി അടച്ചിടുന്നത്. 

പൊതുജനാരോഗ്യവും ഭക്ഷ്യസുരക്ഷാ ആവശ്യകതകളും പാലിക്കാതിരുന്നതിനും, ഭക്ഷണം തയ്യാറാക്കുന്നതിന് ഉറവിടം അറിയാത്ത ഉൽപ്പന്നങ്ങൾ ഉപയോഗിച്ചതിനുമാണ് റിറ്റോസ് ബേക്കറി ആൻഡ് ട്രേഡിംഗ് കമ്പനി അടച്ചുപൂട്ടാൻ മന്ത്രാലയം തീരുമാനിച്ചത്. 

ALSO READ: സുഗമമായ അറൈവലിന് യാത്രക്കാർക്ക് മാർ​ഗനിർദേശങ്ങളുമായി ഹമദ് അന്താരാഷ്ട്ര വിമാനത്താവളം

പരിശോധനയിൽ കണ്ടെത്തിയ ഉറവിടം വ്യക്തമല്ലാത്ത ഉൽപ്പന്നങ്ങൾ പിടിച്ചെടുക്കുകയും, നിയമനടപടികൾക്കായി കേസ് ബന്ധപ്പെട്ട അധികാരികൾക്ക് കൈമാറുകയും ചെയ്തു. ഭക്ഷ്യ സ്ഥാപനങ്ങൾ നിയമങ്ങളും ആരോഗ്യ മാനദണ്ഡങ്ങളും പാലിക്കുന്നുണ്ടെന്ന് ഉറപ്പാക്കാൻ മന്ത്രാലയം നടത്തുന്ന പതിവ് പരിശോധനകളുടെ ഭാ​ഗമാണ് ഈ നടപടി.

പ്രാദേശിക വിപണിയിൽ ഭക്ഷ്യ സുരക്ഷ ഉയർന്ന നിലവാരത്തിൽ നിലനിർത്താനുള്ള തങ്ങളുടെ പ്രതിബദ്ധത മന്ത്രാലയം വീണ്ടും വ്യക്തമാക്കി. ഭക്ഷ്യ സുരക്ഷയുമായി ബന്ധപ്പെട്ട പ്രശ്നങ്ങൾ 16000 എന്ന നമ്പറിൽ വിളിച്ച് റിപ്പോർട്ട് ചെയ്യാൻ മന്ത്രാലയം പൊതുജനങ്ങളോട് ആവശ്യപ്പെട്ടു. 

The Qatar Ministry of Commerce and Industry (MoCI) has closed a bakery for one month for violating food safety regulations. The bakery was found to be in breach of Article 13-7 of the Consumer Protection Law No. 8 of 2008. This action underscores the ministry's commitment to enforcing food safety standards and protecting consumer health [1].