ദുബൈ: ഇന്ന് (ശനി) യു.എ.ഇയിൽ കാലാവസ്ഥ പൂർണമായോ, ഭാഗികമായോ മേഘാവൃതമായിരിക്കുമെന്ന് ദേശീയ കാലാവസ്ഥാ കേന്ദ്രം (എൻ.സി.എം) റിപ്പോർട്ട് ചെയ്തു. കിഴക്കൻ തീര ഭാഗാനങ്ങളിൽ താഴ്ന്ന മേഘങ്ങൾ പ്രത്യക്ഷപ്പെടുമെന്നും, രാവിലെയോടെ നേരിയ മഴയ്ക്ക് സാധ്യതയുണ്ടെന്നും അധികൃതർ അറിയിച്ചു. മഴയ്‌ക്കൊപ്പം, ഇന്ന് താപനിലയിൽ നേരിയ കുറവുമുണ്ടാകും. ഇത് കടുത്ത ചൂടിൽ നിന്ന് അല്പം ആശ്വാസമാകും.

വടക്കു-പടിഞ്ഞാറൻ ദിശയിൽ നിന്ന് മിതമായ നിലയിൽ കാറ്റടിക്കും. പൊടിയും മണലും അന്തരീക്ഷത്തിലുയരും. പകൽ പടിഞ്ഞാറു ദിശയിലും കാറ്റുണ്ടാകും. കാറ്റിന്റെ സ്പീഡ് മണിക്കൂറിൽ 10–25 കിലോ മീറ്റർ ആകും. ഇത് 45 കിലോ മീറ്റർ വരെയാവാനിടയുണ്ട്. രാത്രിയിൽ കടൽ പ്രക്ഷുബ്ധമാകും.

ഇന്ന് ദുബൈയിലെ ഏറ്റവും ഉയർന്ന താപനില 40° സെൽഷ്യസും, ഏറ്റവും കുറഞ്ഞ താപനില 32° സെൽഷ്യസുമാകും. താപനില അബൂദബിയിൽ 31°-38°, ഷാർജയിൽ 29°-39° സെൽഷ്യസ് എന്നിങ്ങനെയായിരിക്കും.

ഇന്നലെ എൻ.സി.എം യെല്ലോ അലേർട്ട് പുറപ്പെടുവിച്ചിരുന്നു. വെള്ളിയാഴ്ച രാജ്യത്ത് രേഖപ്പെടുത്തിയ ഏറ്റവും ഉയർന്ന താപനില ഉച്ച കഴിഞ്ഞ് 3.45 ന് 46.2° സെൽഷ്യസ് ആയിരുന്നു.