ഉത്തർപ്രദേശിലെ മീററ്റിൽ ടോൾ പ്ലാസ ജീവനക്കാർ സൈനികനെ തൂണിൽ കെട്ടിയിട്ട് ക്രൂരമായി മർദിച്ചു. മീററ്റ്-കർണാൽ ഹൈവേയിലെ ഭൂനി ടോൾ പ്ലാസയിലാണ് സംഭവം. കപിൽ കവാദ് എന്ന സൈനികനാണ് മർദനത്തിനിരയായത്. അവധി കഴിഞ്ഞ് ജോലിക്കായി ശ്രീന​ഗറിലേക്ക് പോവുകയായിരുന്നു ഇയാൾ. സംഭവത്തിൽ ഇതുവരെ ആറ് പേരെ അറസ്റ്റ് ചെയ്തിട്ടുണ്ട്, അന്വേഷണത്തിന്റെ ഭാഗമായി ടോൾ പ്ലാസയിൽ നിന്നുള്ള സിസിടിവി ദൃശ്യങ്ങൾ പരിശോധിച്ചുവരികയാണ്. കപിൽ നിലവിൽ സൈനിക ആശുപത്രിയിൽ (എംഎച്ച്) ചികിത്സയിലാണ്. 

കപിൽ തന്റെ ബന്ധുവിനൊപ്പം ഡൽഹി വിമാനത്താവളത്തിലേക്ക് പോകുന്നതിനിടെയാണ് ആക്രമിക്കപ്പെട്ടതെന്ന് പൊലിസ് വ്യക്തമാക്കി. സോഷ്യൽ മീഡിയയിൽ പങ്കിട്ട വീഡിയോകളിൽ നിരവധി ടോൾ ജീവനക്കാർ അദ്ദേഹത്തെ ആക്രമിക്കുന്നതും ഒരു തൂണിൽ തടഞ്ഞുനിർത്തുന്നതും കാണാൻ സാധിക്കും. 

ALSO READ: ശുഭാൻഷു ശുക്ലയുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി; കൂടിക്കാഴ്ച ലോക് കല്യാൺ മാർഗിലെ വസതിയിൽ വെച്ച്

അതേസമയം, സംഭവത്തിൽ രോഷാകുലരായ പ്രദേശവാസികൾ ടോൾ പ്ലാസയിലേക്ക് ഇരച്ചുകയറിയതോടെ സ്ഥിതിഗതികൾ വഷളായി. ജനക്കൂട്ടം കാര്യമായ നാശനഷ്ടങ്ങൾ വരുത്തിവച്ചു, ഇത് ടോൾ പ്ലാസ അടച്ചുപൂട്ടാനും ടോൾ പിരിവ് നിർത്തിവയ്ക്കുന്നതിനും വഴിവവെച്ചു. തുടർന്ന്, സ്ഥലത്തെ ഗ്രാമവാസികളും ടോൾ ജീവനക്കാരും പൊലിസ് ഉദ്യോഗസ്ഥരും തമ്മിൽ സംഘർഷമുണ്ടായി.

പ്രാഥമിക വിവരമനുസരിച്ച്, വാഹനങ്ങളുടെ നീണ്ട നിര കാരണം താൻ തിരക്കിലാണെന്ന് കപിൽ ടോൾ ജീവനക്കാരോട് വിശദീകരിക്കാൻ ശ്രമിച്ചപ്പോഴാണ് തർക്കം ആരംഭിച്ചത്. തുടർന്ന്, ചർച്ച അക്രമാസക്തമായി മാറുകയും, ഗുരുതരമായ പരുക്കേൽപ്പിക്കുക എന്ന ഉദ്ദേശ്യത്തോടെ കപിലിനെ ആക്രമിച്ചതായും ആരോപിക്കപ്പെടുന്നു.

ALSO READ: അടിമാലിയിൽ വള്ളം മറിഞ്ഞ് ഒരാളെ കാണാതായി; കൂടെയുള്ളവർ നീന്തിക്കയറി

അതേസമയം, നാഷണൽ ഹൈവേസ് അതോറിറ്റി ഓഫ് ഇന്ത്യ (എൻ.എച്ച്.എ.ഐ.) ടോൾ പിരിവ് ഏജൻസിയായ എം/എസ് ധരം സിംഗിന് 20 ലക്ഷം രൂപ പിഴ ചുമത്തി. ടോൾ പിരിവ് ഏജൻസിയുടെ കരാർ റദ്ദാക്കാനും ഭാവിയിൽ ടോൾ പ്ലാസ ബിഡ്ഡിംഗിൽ പങ്കെടുക്കുന്നതിൽ നിന്ന് വിലക്കാനുമുള്ള നടപടികളും എൻ.എച്ച്.എ.ഐ. ആരംഭിച്ചിട്ടുണ്ട്.

A disturbing incident has occurred at the Bhoomi Toll Plaza on the Meerut-Karnal Highway, where toll plaza staff allegedly tied a soldier, Kapil Kawad, to a pole and brutally assaulted him. The soldier was reportedly on his way back to Srinagar after a vacation when the incident took place. The assault is said to have been triggered by a dispute, although the exact circumstances are unclear ¹.