കല്‍പറ്റ: വയനാട് സുല്‍ത്താന്‍ ബത്തേരി സ്വദേശിയായ യുവാവ് ഇസ്‌റാഈലില്‍ മരിച്ച നിലയില്‍. ജറുസലേമിലെ സീയോനിയില്‍ കെയര്‍ ഗിവറായി ജോലി ചെയ്യുകയായിരുന്ന ജിനോഷ് പി സുകുമാരനെയാണ് മരിച്ച നിലയില്‍ കണ്ടെത്തിയത്.

ALSO READ: കോട്ടയം മെഡിക്കൽ കോളേജ് അപകടം: മന്ത്രിമാരുടെ പ്രസ്താവനകളാണ് രക്ഷാപ്രവർത്തനത്തെ വൈകിച്ചത്: വി ഡി സതീശൻ

ഒരു മാസം മുമ്പാണ് ജിനേഷ് ഇസ്‌റാഈലില്‍ എത്തിയത്. ജോലി ചെയ്യുകയായിരുന്ന വീട്ടിലെ 80കാരിയെ കുത്തിക്കൊലപ്പെടുത്തിയ ശേഷം യുവാവ് ജീവനൊടുക്കുകയായിരുന്നു എന്നാണ് റിപ്പോര്‍ട്ടുകള്‍. ദേഹം മുഴുവന്‍ കുത്തേറ്റ നിലയില്‍ ഇന്നലെ 80കാരിയെ കണ്ടെത്തിയിരുന്നു. തൊട്ടടുത്ത മുറിയില്‍ തൂങ്ങിമരിച്ച നിലയിലാണ് ജിനേഷിനെ കണ്ടെത്തിയത്.

ഇസ്‌റാഈലില്‍ എത്തുന്നതിന് മുമ്പ് നാട്ടില്‍ മെഡിക്കല്‍ റെപ്രസെന്റീറ്റാവായി ജോലി ചെയ്തു വരികയായിരുന്നു ജിനേഷ്.