അബൂദബി: അബൂദബിയില്‍ കാലാവസ്ഥയില്‍ പെട്ടെന്ന് മാറ്റവും ശക്തമായ പൊടിക്കാറ്റും. പൊടി അലര്‍ജിയുള്ളവര്‍ പ്രത്യേകിച്ചും ജാഗ്രത പാലിക്കാനും, ഉച്ച കഴിഞ്ഞ് വീടിനുള്ളില്‍ തന്നെ തുടരാനും അധികൃതര്‍ നേരത്തെ തന്നെ നിര്‍ദേശിച്ചിരുന്നു. ഇന്നലെ ഉച്ച കഴിഞ്ഞ് പെട്ടെന്നായിരുന്നു കാലാവസ്ഥയില്‍ മാറ്റമുണ്ടായത്. 3.30ഓടെ ശക്തമായ കാറ്റ് പൊടിക്കാറ്റിലേക്ക് മാറി. ഇത് പല റോഡുകളിലും ദൃശ്യപരത ഗണ്യമായി കുറച്ചു. വാഹനമോടിക്കുന്നവരെയും കാല്‍നട യാത്രക്കാരെയും ഇത് ബാധിച്ചു.

മേഖലയിലുടനീളം വടക്കുപടിഞ്ഞാറന്‍ കാറ്റ് വീശുന്ന സാഹചര്യമാണ് ഏതാനും ദിവസങ്ങളായി ഉള്ളതെന്ന് ദേശീയ കാലാവസ്ഥാ കേന്ദ്രം (എന്‍.സി.എം) നേരത്തെ തന്നെ മുന്നറിയിപ്പ് നല്‍കിയിരുന്നു. ഇത് കാരണം, അന്തരീക്ഷം പൊടിയും മണലും നിറയുന്ന സാഹചര്യമുണ്ട്. ഇത് മേഘാവൃത അവസ്ഥയ്ക്കും കാരണമാകുന്നുണ്ട്. ഈ പ്രതിഭാസം രാജ്യത്തുടനീളം ദൃശ്യപരതയെ ഗണ്യമായി കുറച്ചിട്ടുണ്ട്. വൈകുന്നേരം 6 മണി വരെ ഈ അവസ്ഥ നിലനില്‍ക്കുന്നതിനാല്‍ എല്ലാവരും ജാഗരൂകരാവണമെന്നും അധികൃതര്‍ ഉണര്‍ത്തി.

ALSO READ: 'കൈകള്‍ കോര്‍ത്ത് ഞങ്ങള്‍ 50 വര്‍ഷം ആഘോഷിക്കുന്നു': ഷെയ്ഖ ഫാത്തിമ നിര്‍ദേശിച്ചു; യു.എ.ഇ വനിതാദിന പ്രമേയം അംഗീകരിച്ചു | Emirati Women's Day

പൊടിപടലങ്ങള്‍ കാഴ്ചയെ തടസ്സപ്പെടുത്തുന്നതിനാല്‍ വാഹനമോടിക്കുന്നവര്‍ ജാഗ്രത പാലിക്കണമെന്ന് അബൂദബി പൊലിസ് നിര്‍ദേശിച്ചിട്ടുണ്ട്. വാഹനമോടിക്കുമ്പോള്‍ ഫോണുകള്‍ ഉപയോഗിക്കുന്നതില്‍ നിന്നും കാലാവസ്ഥയുടെ വീഡിയോകള്‍ എടുക്കുന്നതില്‍ നിന്നും വിട്ടുനില്‍ക്കണമെന്നും പൊലിസ് സോഷ്യല്‍ മീഡിയ പോസ്റ്റില്‍ താമസക്കാരോട് അഭ്യര്‍ത്ഥിച്ചു.

തീരപ്രദേശങ്ങളില്‍ ഇന്നലെ 45° സെല്‍ഷ്യസ് വരെ താപനില ഉയര്‍ന്നിരുന്നു. പകല്‍ നേരത്ത് ഉയര്‍ന്ന അളവില്‍ ഈര്‍പ്പവും അനുഭവപ്പെട്ടിരുന്നു.
വാരാന്ത്യം കടല്‍ പ്രക്ഷുബ്ധമാകുമെന്ന് എന്‍.സി.എം മുന്നറിയിപ്പ് നല്‍കിയിട്ടുണ്ട്. അതിനാല്‍, തീരപ്രദേശങ്ങളിലേക്ക് പോകുന്നവര്‍ ശ്രദ്ധിക്കണം. ഇന്ന് കൂടി ഈയവസ്ഥയുണ്ടാകും. വടക്കുപടിഞ്ഞാറന്‍ കാറ്റ് മണിക്കൂറില്‍ 40 കിലോ മീറ്റര്‍ വരെ വേഗത്തില്‍ വീശാമെന്നും, 6 അടി ഉയരത്തില്‍ തീരത്തേക്ക് തിരകള്‍ ഉയരുമെന്നും അധികൃതര്‍ പറഞ്ഞു.

UAE residents, particularly people with dust allergies, are advised to stay indoors this afternoon due to a dust storm in Abu Dhabi. Late yester day afternoon, there was a sudden change in the weather, and by 3.30pm, strong winds had caused dust storms.