കോട്ടയം: കോട്ടയം മെഡിക്കൽ കോളേജിന്റെ കെട്ടിടം തകർന്ന് മരിച്ച തലയോലപ്പറമ്പ് സ്വദേശി ബിന്ദുവിന്റെ വീട്ടിൽ സന്ദർശനം നടത്തി ആരോഗ്യമന്ത്രി വീണ ജോർജ്. ഇന്ന് രാവിലെയാണ് ബിന്ദുവിന്റെ വീട്ടിലേക്ക് മന്ത്രി എത്തിയത്. കുടുംബങ്ങളെ ആശ്വസിപ്പിച്ച വീണ ജോർജ്, ബിന്ദുവിന്റെ അമ്മയുമായും ഭർത്താവുമായും മകളുമായും സംസാരിച്ചു. സർക്കാർ കുടുംബത്തോടൊപ്പം തന്നെ ഉണ്ടെന്ന് അറിയിച്ച മന്ത്രി കുടുംബത്തിനുള്ള സഹായ പ്രഖ്യാപനം മുഖ്യമന്ത്രി പിണറായി വിജയൻ നടത്തുമെന്നും അറിയിച്ചു. ഉചിതമായ തീരുമാനമായിരിക്കും ഉണ്ടാവുകയെന്നും മന്ത്രി വ്യക്തമാക്കി.

അതേസമയം,  മെഡിക്കൽ കോളജ് അപകടത്തിൽ സർക്കാരിനെതിരെയും മന്ത്രി വീണ ജോർജിന്റെ രാജി ആവശ്യപ്പെട്ടും പ്രതിപക്ഷ പ്രതിഷേധം ഇന്നും തുടർന്നേക്കും. അപകടത്തിൽ ജുഡീഷ്യൽ അന്വേഷണം വേണമെന്ന ആവശ്യം കോൺഗ്രസ് ശക്തമാക്കിയിട്ടുണ്ട്. ഇക്കാര്യംകൂടി ഉന്നയിച്ചാകും ഇന്നത്തെ കോൺഗ്രസ് സമരം നടക്കുക. പുതുതായി നിർമിച്ച കെട്ടിടം തുറന്നുകൊടുക്കാത്തതിലും കോൺഗ്രസിന് ശക്തമായ എതിർപ്പുണ്ട്.  മന്ത്രിമാർ അടക്കം പങ്കെടുത്ത മെയ് 30ലെ യോഗത്തിൽ പുതിയ കെട്ടിടത്തിലേക്ക് മാറാൻ തീരുമാനം ഉണ്ടായിട്ടും അത് നടപ്പാക്കാതിരുന്നതിനെതിരെ കടുത്ത വിമർശനവും ഉയരുന്നുണ്ട്. മന്ത്രിയുടെ സമയം നോക്കിയാണ് ഉദ്‌ഘാടനം നീട്ടിയത് എന്നാണ് ആരോപണം.

ALSO READ: വാർത്ത ഏജൻസി റോയിട്ടേഴ്‌സിന്റെ ഇന്ത്യയിലെ ഔദ്യോഗിക എക്‌സ് അക്കൗണ്ട് മരവിപ്പിച്ചു

ഇതിനിടെ,  അപകടത്തിൽ ജില്ലാ കളക്ടർ സമർപ്പിച്ച റിപ്പോർട്ടിനെതിരെയും പ്രതിപക്ഷം രംഗത്ത് വന്നു. ജില്ലാ കളക്ടറുടെ അന്വേഷണം തൃപ്തികരമെല്ലെന്നാണ് ആരോപണം. ബിന്ദുവിന്റെ കുടുംബത്തിനുള്ള ധനസഹായം നൽകുന്നതിനായുള്ള റിപ്പോർട്ടാണ് ജില്ലാ കളക്ടർ നൽകിയത്. ചീഫ് സെക്രട്ടറിക്കാണ് കളക്ടർ ജോൺ വി സാമുവൽ റിപ്പോർട്ട് നൽകിയത്. കഴിഞ്ഞ ദിവസം ആശുപത്രി വികസന ഫണ്ടിൽ നിന്ന് ആദ്യഘട്ടമെന്നോണം കുടുംബത്തിന്  ധനസഹായം നൽകിയിരുന്നു. ഇതിന് പിന്നാലെ സർക്കാരിന്റെ ധനസഹായം പ്രഖ്യാപിക്കാനുള്ള ഒരു റിപ്പോർട്ട് കൈമാറണമെന്ന് മന്ത്രിമാർ ആവശ്യപ്പെട്ടിരുന്നു. ഈ റിപ്പോർട്ട് പരിഗണിച്ചാണ് സർക്കാർ ധനസഹായം മുഖ്യമന്ത്രി പ്രഖ്യാപിക്കുക.

Kerala Health Minister Veena George visited the residence of Bindu, a native of Thalayolaparambu, who tragically lost her life in the recent Kottayam Medical College building collapse. The Minister arrived at the family’s home earlier this morning. During the visit, Veena George consoled the grieving family members, including Bindu’s mother, husband, and daughter. She assured them that the Kerala government stands firmly with the family during this difficult time.