തിരുവനന്തപുരം: കേരളാ യൂണിവേഴ്സിറ്റി രജിസ്ട്രാറെ സസ്‌പെൻഡ് ചെയ്ത നടപടി റദ്ദ് ചെയ്ത് സിൻഡിക്കേറ്റ് യോഗം. രജിസ്ട്രാർ കെ.എസ് അനിൽകുമാറിന്റെ സസ്‌പെൻഷനാണ് വിസിയുടെ ചുമതല വഹിക്കുന്ന സിസ തോമസിന്റെ വിയോജനക്കുറിപ്പ് മറികടന്ന് പ്രത്യേക സിൻഡിക്കേറ്റ് യോഗം റദ്ദ് ചെയ്തത്. രജിസ്ട്രാറെ നിയമിക്കുന്നതിനും നടപടികളെടുക്കുന്നതിനും സിൻഡിക്കേറ്റിനാണ് ചുമതലയെന്ന് കാണിച്ചാണ് നടപടി ഉണ്ടായത്. വിസിയുടേത് ചട്ടങ്ങളും നടപടിക്രമങ്ങളും പാലിക്കാതെയുള്ള തീരുമാനമാണെന്നും സിൻഡിക്കേറ്റ് ചൂണ്ടിക്കാട്ടി.

വിസി മോഹനൻ കുന്നുമ്മലാണ് രജിസ്ട്രാർ അനിൽ കുമാറിനെ നേരത്തെ സസ്പെൻഡ് ചെയ്തത്. മോഹനൻ കുന്നുമ്മൽ നിലവിൽ വിദേശ യാത്രയിലാണ്. അദ്ദേഹത്തിന് പകരം വിസിയുടെ ചുമതല വഹിക്കുന്നത് ഡിജിറ്റൽ യൂണിവേഴ്സിറ്റി വിസി സിസ തോമസാണ്. സസ്‌പെൻഷൻ റദ്ദ് ചെയ്യാനുള്ള സിൻഡിക്കേറ്റ് തീരുമാനത്തിനെതിരെ അവർ വിയോജനക്കുറിപ്പ് നൽകുകയായിരുന്നു. 

രജിസ്ട്രാറുടെ സസ്പെൻഷൻ നടപടി നിലവിൽ ഹൈകോടതിയുടെ പരിഗണനയിലിരിക്കുകയാണ്. രജിസ്ട്രാറുടെ സസ്പെൻഷൻ റദ്ദാക്കിയതിനെ വിയോജിച്ച് കുറിപ്പ് നൽകിയ സാഹചര്യത്തിൽ കാര്യങ്ങൾ വിശദീകരിച്ച് സിസ തോമസിന് പ്രത്യേക സത്യവാങ്മൂലം ഹൈക്കോടതിയിൽ നൽകാൻ കഴിയും.

The Kerala University Syndicate has revoked the suspension of Registrar K.S. Anilkumar, overruling the dissent note from acting Vice Chancellor C.S. Thomas. The decision was taken in a special Syndicate meeting held to address the matter. The Syndicate emphasized that the authority to appoint and take action against the Registrar lies with the Syndicate itself, not solely with the Vice Chancellor. It further stated that the VC’s suspension order was issued without following proper procedures and university regulations.