മോസ്‌കോ: രാജ്യത്തെ ജനനനിരക്ക് കുറയുന്നത് പരിഹരിക്കാൻ വിചിത്രവും വിവാദവുമായ നടപടിയുമായി റഷ്യ. ഗർഭിണിയാകുന്ന വിദ്യാർഥിനികൾക്കു ഒരു ലക്ഷത്തിലേറെ രൂപ നൽകുമെന്ന് പ്രഖ്യാപിച്ചിരിക്കുകയാണ് റഷ്യ. പടിഞ്ഞാറൻ റഷ്യയിലെ ഒറിയോൾ മേഖലയാണ് കുട്ടികളുണ്ടാകുന്നതിന് സ്കൂൾ പെൺകുട്ടികൾക്ക് ഏകദേശം 1,200 ഡോളർ (1.02 ലക്ഷം രൂപ) പണമായി നൽകുമെന്ന് പ്രഖ്യാപിച്ചത്. സംഭവത്തിൽ ലോകത്തിന്റെ വിവിധ കോണുകളിൽ നിന്ന് വിമർശനം ഉയർന്നുകഴിഞ്ഞു.

ആരോഗ്യമുള്ള കുഞ്ഞുങ്ങൾക്ക് ജന്മം നൽകുന്ന വിദ്യാർഥിനികൾക്കാണ് പ്രസവച്ചെലവിനും ശിശുപരിപാലനത്തിനുമായി പണം ലഭിക്കുക. മരിച്ച കുഞ്ഞുങ്ങൾക്ക് ജന്മം നൽകിയാൽ പണം ലഭിക്കില്ല. കഴിഞ്ഞ 25 വർഷത്തെ ഏറ്റവും താഴ്ന്ന നിരക്കിലുള്ള കുറഞ്ഞ ജനനനിരക്ക് പരിഹരിക്കാൻ ലക്ഷ്യമിട്ടാണ് ഈ വിചിത്ര നടപടി.

ALSO READ: ചാരവൃത്തി കേസിലെ മുഖ്യപ്രതി കേരളത്തിൽ; സന്ദർശനം ടൂറിസ്റ്റ് വകുപ്പിന്റെ ക്ഷണപ്രകാരം

റഷ്യയുടെ ഫെഡറൽ സ്റ്റേറ്റ് സ്റ്റാറ്റിസ്റ്റിക്സ് സർവീസ് അഥവാ റോസ്‌സ്റ്റാറ്റിന്റെ കണക്കനുസരിച്ച്, 2024 ൽ 599,600 കുട്ടികൾ മാത്രമേ ജനിച്ചുള്ളൂ -- 2023 നെ അപേക്ഷിച്ച് 2.7 ശതമാനം കുറവാണ് രേഖപ്പെടുത്തിയത്. ഇത് രാജ്യത്തിന്റെ ഭാവിക്ക് വിനാശകരമാണ് എന്ന് വിദഗ്ദർ പറയുന്നു. കഴിഞ്ഞ വർഷം രാജ്യത്തെ മൊത്തത്തിലുള്ള ജനസംഖ്യയിലും കുറവുണ്ടായി. ഉക്രെയ്നുമായുള്ള യുദ്ധത്തിന്റെ ഫലമായി റഷ്യയ്ക്ക് കനത്ത നഷ്ടം സംഭവിച്ചതിനാൽ 2023 നെ അപേക്ഷിച്ച് ഇരട്ടി നിരക്കിൽ ജനസംഖ്യ കുറഞ്ഞു.

ഈ സാഹചര്യം പരിഹരിക്കുന്നതിനായി, റഷ്യയിലെ കുറഞ്ഞത് 11 പ്രദേശങ്ങളെങ്കിലും 18 നും 25 നും ഇടയിൽ പ്രായമുള്ള വനിതാ വിദ്യാർഥിനികൾക്ക് പ്രോത്സാഹനങ്ങൾ പ്രഖ്യാപിച്ചിട്ടുണ്ട്. ടോംസ്കിൽ, ഗർഭകാല പരിചരണത്തിനായി രജിസ്റ്റർ ചെയ്യുന്ന കോളേജ്, യൂണിവേഴ്സിറ്റി വിദ്യാർഥിനികൾക്ക് 100,000 റഷ്യൻ റൂബിൾസ് പണമായി ലഭിക്കും.

In a bold and controversial move to tackle declining birth rates, Russia has announced a cash incentive of over ₹1 lakh (approximately $1,200 USD) for pregnant schoolgirls. The scheme has been rolled out in the Oryol region of western Russia, aiming to encourage childbirth among young women.