വാഴ്‌സോ: എയര്‍ഷോ പരിശീലനത്തിനിടെ പോളിഷ് എയര്‍ഫോഴസിന്റെ എ16 ജെറ്റ് തകര്‍ന്നു. പൈലറ്റ് മരിച്ചു. അപകടത്തില്‍ ആര്‍മി പൈലറ്റ് മരിച്ച വിവരം പോളിഷ് ഉപപ്രധാനമന്ത്രി സ്ഥിരീകരിച്ചു. എയര്‍ഫോഴ്‌സ് ഷോക്കിടെയാണ് അപകടമുണ്ടായതെന്നും ഉപപ്രധാനമന്ത്രി സന്ദേശത്തില്‍ അറിയിച്ചു. പറഞ്ഞു. അപകടത്തിന്റെ ഞെട്ടിക്കുന്ന ദൃശ്യങ്ങള്‍ പുറത്ത് വന്നിട്ടുണ്ട്.

പടിഞ്ഞാറന്‍ പോളണ്ടിലെ പോസ്‌നാനിനടുത്തുള്ള 31-ാമത് ടാക്റ്റിക്കല്‍ എയര്‍ ബേസില്‍ നിന്നുള്ള വിമാനമാണ് അപകടത്തില്‍ പെട്ടതെന്ന് സായുധ സേനയുടെ ജനറല്‍ കമാന്‍ഡ് വ്യാഴാഴ്ച ഒരു പ്രസ്താവനയില്‍ പറഞ്ഞു. സമീപത്ത് നിന്ന ആര്‍ക്കും പരിക്കേറ്റിട്ടില്ലെന്നും അദ്ദേഹം വ്യക്തമാക്കി. കഴിഞ്ഞ ദിവസം രാത്രി 11 മണിയോടെയാണ് അപകടമുണ്ടായത്. 

⚡ BREAKING: F-16 fighter jet crashes during training for the Radom Air Show in Poland. Pilot killed

Aircraft crashed into the runway around 1730 GMT and damaged it. The Radom Airshow planned for the weekend has been cancelled.

Government spokesman Adam Szlapka confirmed the… pic.twitter.com/E3wFl6MKIP

— OSINT Updates (@OsintUpdates) August 28, 2025

'അപകടസ്ഥലത്താണ് ഇപ്പോള്‍ ഉള്ളത്. എഫ്-16 വിമാനാപകടത്തില്‍, പോളിഷ് ആര്‍മിയിലെ ഒരു പൈലറ്റ് മരിച്ചു, എപ്പോഴും സമര്‍പ്പണത്തോടെയും വലിയ ധൈര്യത്തോടെയും തന്റെ രാജ്യത്തെ സേവിച്ച ഒരു ഉദ്യോഗസ്ഥനാണ് അദ്ദേഹം. പൈലറ്റിന്റെ ഓര്‍മ്മകള്‍ക്ക് മുന്നില്‍ ഞാന്‍ ആദരാഞ്ജലി അര്‍പ്പിക്കുന്നു. കുടുംബത്തിനും പ്രിയപ്പെട്ടവര്‍ക്കും എന്റെ അഗാധമായ അനുശോചനം അറിയിക്കുന്നു' അദ്ദേഹം പറഞ്ഞു. 

ആകാശത്ത് അഭ്യാസപ്രകടനം നടത്തുന്നതിനിടെ വിമാനം തകര്‍ന്നു വീഴുകയായിരുന്നു. തീപിടിച്ചതിന് ശേഷം വിമാനം മീറ്ററുകള്‍ സഞ്ചരിക്കുന്നതും പുറത്തു വന്ന വീഡിയോ ദൃശ്യങ്ങളില്‍ കാണാം. ഈയാഴ്ചയുടെ അവസാനമാണ് എയര്‍ ഷോ നടക്കേണ്ടിയിരുന്നത്. 

a polish air force f-16 jet crashed during airshow training in warsaw, killing the pilot. the deputy prime minister confirmed the incident, and shocking footage has been released.