ഏകദിന ക്രിക്കറ്റിൽ ചരിത്രംക്കുറിച്ച് ശ്രീലങ്കൻ ഓൾ റൗണ്ടർ വനിന്ദു ഹസരംഗ. ഏകദിനത്തിൽ 1000 റൺസും 100 വിക്കറ്റും സ്വന്തമാക്കുന്ന താരമായാണ് ഹസരംഗ മാറിയത്. ഇതോടെ ഏകദിനത്തിൽ ഏറ്റവും വേഗത്തിൽ ഈ റെക്കോർഡ് കൈവരിക്കുന്ന താരമായും ഹസരംഗ മാറി. 63 ഏകദിനത്തിൽ നിന്നുമാണ് ലങ്കൻ താരം ഈ റെക്കോർഡിലെത്തിയത്. മുൻ സൗത്ത് ആഫ്രിക്കൻ താരം ഷോൺ പൊള്ളോക്കിനെ മറികടന്നാണ് ഹസരംഗ ഈ നേട്ടത്തിലെത്തിയത്. 68 ഏകദിനത്തിൽ നിന്നുമാണ് പൊള്ളോക്ക് ഈ നേട്ടം കൈവരിച്ചിരുന്നത്. 

ബംഗ്ലാദേശിനെതിരായ ഏകദിനത്തിലാണ് ഹസരംഗ ഈ നേട്ടം സ്വന്തമാക്കിയത്. മത്സരത്തിൽ മൂന്ന് വിക്കറ്റുകളാണ്‌ താരം സ്വന്തമാക്കിയത്. മത്സരത്തിൽ 16 പന്തിൽ 13 റൺസും താരം നേടി. കഴിഞ്ഞ മത്സരത്തിൽ ഹസരംഗ ഏകദിനത്തിൽ 100 വിക്കറ്റുകൾ എന്ന നേട്ടവും താരം സ്വന്തമാക്കിയിരുന്നു. 

ഈ നേട്ടത്തിന് മറ്റൊരു പ്രത്യേകത കൂടിയുണ്ട്. ശ്രീലങ്കയ്ക്കായി ഏകദിന ക്രിക്കറ്റിൽ ഏറ്റവും വേഗത്തിൽ നൂറു വിക്കറ്റുകൾ സ്വന്തമാക്കുന്ന താരമായി മാറാനും ഇതോടുകൂടി ഹസരംഗക്ക് സാധിച്ചിരിക്കുകയാണ്. 63 ഇന്നിങ്സുകളിൽ നിന്നുമാണ് താരം 100 വിക്കറ്റ് നേട്ടത്തിലേക്ക് കാലെടുത്തുവെച്ചത്. ഇതോടെ ഇത്ര ഇന്നിംഗ്സുകളിൽ നിന്നു തന്നെ 100 ഏകദിനം വിക്കറ്റുകൾ നേടിയ അജന്ത മെൻഡീസിന്റെ റെക്കോർഡിനൊപ്പമെത്താനും ഈ രാജസ്ഥാൻ റോയൽസ് ഓൾ റൗണ്ടർക്ക് സാധിച്ചു.

 ശ്രീലങ്കയുടെ ബൗളിങ്ങിൽ നാല് വിക്കറ്റുകൾ നേടി വനിന്ദു ഹസരംഗ തകർപ്പൻ പ്രകടനമാണ് പുറത്തെടുത്തത്. 7.5 ഓവറിൽ രണ്ട് മെയ്ഡൻ ഓവറുകൾ ഉൾപ്പെടെ വെറും പത്ത് റൺസ് മാത്രം വിട്ടുനിൽക്കുകയാണ് ഹസരംഗ നാല് വിക്കറ്റുകൾ നേടിയത്.

അതേസമയം മത്സരത്തിൽ ശ്രീലങ്ക പരാജയപ്പെടുകയായിരുന്നു. 16 റൺസിനായിരുന്നു ബംഗ്ലാദേശിന്റെ വിജയം. മത്സരത്തിൽ ആദ്യം ബാറ്റ് ചെയ്ത ബംഗ്ലാദേശ് 45.5 ഓവറിൽ 248 റൺസിന്‌ പുറത്തായി. മറുപടി ബാറ്റിങിൽ ശ്രീലങ്കൻ ഇന്നിംഗ്സ് 232 റൺസിൽ അവസാനിക്കുകയായിരുന്നു. 

Sri Lankan all-rounder Wanindu Hasaranga has made history in ODI cricket Hasaranga became the first player to score 1000 runs and take 100 wickets in ODIs With this Hasaranga also became the fastest player to achieve this record in ODIs