കോഴിക്കോട്: ഞാവൽപ്പഴമെന്ന് തെറ്റിദ്ധരിച്ച് വിഷക്കായ കഴിച്ച ഒമ്പതാം ക്ലാസ് വിദ്യാർഥി ആശുപത്രിയിൽ. വിഷക്കായ കഴിച്ചതിനെ തുടർന്ന് കുട്ടിക്ക് ദേഹാസ്വാസ്ഥ്യവും ചുണ്ടിൽ വീക്കവും അനുഭവപ്പെട്ടു. താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകിയ ശേഷം, വിദഗ്ധ ചികിത്സയ്ക്കായി കുട്ടിയെ മെഡിക്കൽ കോളജിലേക്ക് റഫർ ചെയ്തു. നിലവിൽ കുട്ടിയുടെ ആരോഗ്യനില തൃപ്തികരമാണ്.

കഴിഞ്ഞ ദിവസം ഇതേ മരത്തിൽ നിന്നുള്ള വിഷക്കായ കഴിച്ച മറ്റു രണ്ട് കുട്ടികളും താലൂക്ക് ആശുപത്രിയിൽ ചികിത്സ തേടിയിരുന്നു. ഞാവൽപ്പഴത്തിന്റെ കാലമായതിനാൽ, കായകൾ കഴിക്കുന്നതിന് മുമ്പ് ശ്രദ്ധിക്കണമെന്ന് ഡോക്ടർമാർ മുന്നറിയിപ്പ് നൽകുന്നു.

A Kozhikode student was hospitalized after mistaking a poisonous fruit for a java plum. The ninth-grader experienced swelling and discomfort but is now stable after treatment at a medical college. Doctors urge caution during java plum season