തിരുവനന്തപുരം: തൃശൂര്‍ പൂരം അലങ്കോലവുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപിയുടെ മൊഴിയെടുത്തു. ഗൂഢാലോചന അന്വേഷിക്കുന്ന പ്രത്യേക സംഘമാണ് മൊഴിയെടുത്തത്. 

പൂരം നടക്കുന്ന സ്ഥലത്ത് എങ്ങനയെത്തി, ആരാണ് പൂരം അലങ്കോലമായതിനെക്കുറിച്ച് അറിയിച്ചത് തുടങ്ങിയ കാര്യങ്ങളാണ് സുരേഷ് ഗോപിയില്‍ നിന്ന് അന്വേഷണ സംഘം ചോദിച്ചറിഞ്ഞതെന്നാണ് വിവരം. പൂരം അലങ്കോലമായ കാര്യം അറിഞ്ഞത് ബിജെപി പ്രവര്‍ത്തകര്‍ പറഞ്ഞിട്ടെന്ന് സുരേഷ് ഗോപി മൊഴി നല്‍കി. പ്രത്യേക സംഘത്തിന്റെ അന്വേഷണം അവസാന ഘട്ടത്തിലാണ്. മൊഴി രേഖപ്പെടുത്തി ഉടന്‍ തന്നെ റിപ്പോര്‍ട്ട് കൈമാറിയേക്കും.