ഇംഗ്ലണ്ടിനെതിരായ രണ്ടാം ടെസ്റ്റിൽ ഇന്ത്യൻ നായകൻ ശുഭ്മൻ ഗില്ലിന് ബ്രയാൻ ലാറക്ക് തകർക്കാൻ സാധിക്കുമായിരുന്നുവെന്ന് പറഞ്ഞിരിക്കുകയാണ് മുൻ ഇംഗ്ലണ്ട് പേസർ സ്റ്റുവർട്ട് ബ്രോഡ്. ടെസ്റ്റ് ക്രിക്കറ്റിലെ ഏറ്റവും ഉയർന്ന വ്യക്തികത സ്കോറായ 400 റൺസ് ലാറയുടെ പേരിലാണുള്ളത്. ഗിൽ രണ്ടാം ടെസ്റ്റിൽ മികച്ച രീതിയിൽ ബാറ്റിംഗ് തുടർന്നിരുന്നെങ്കിൽ ലാറയുടെ ഈ റെക്കോർഡ് തകർക്കപ്പെട്ടേനെയെന്നാണ് മുൻ ഇംഗ്ലീഷ് പേസർ ഫോർ ദി ലവ് ഓഫ് ക്രിക്കറ്റ് എന്ന പോഡ്‌കാസ്റ്റിൽ സംസാരിച്ചത്. 

''ഇന്ത്യ മികച്ചതയായിരുന്നു. ഗിൽ നേടിയ 269 റൺസ്, അദ്ദേഹം ലാറയുടെ റെക്കോർഡ് തകർക്കുമെന്ന് കരുതി. എന്നാൽ അദ്ദേഹം വെറുതെ പുറത്തായി. ഒരു കാര്യവും ഗില്ലിനെ ബുദ്ധിമുട്ടിച്ചിരുന്നില്ല'' സ്റ്റുവർട്ട് ബ്രോഡ് പറഞ്ഞു. 

ഇംഗ്ലണ്ടിനെതിരായ രണ്ടാം ടെസ്റ്റിൽ രണ്ട് ഇന്നിങ്സിലും തകർപ്പൻ പ്രകടനമാണ് നായകൻ ഗിൽ നടത്തിയത്. ആദ്യ ഇന്നിങ്സിൽ ഡബിൾ സെഞ്ച്വറിയും രണ്ടാം ഇന്നിങ്സിൽ സെഞ്ച്വറി നേടിയുമാണ് ഗിൽ തിളങ്ങിയത്.ആദ്യ ഇന്നിങ്സിൽ 387 പന്തിൽ നിന്നും 269 റൺസാണ് ഗില്ലിന്റെ ബാറ്റിൽ നിന്നും പിറന്നത്. 30 ഫോറുകളും മൂന്ന് സിക്സുകളും അടങ്ങുന്നതാണ് ഗില്ലിന്റെ ഇന്നിംഗ്സ്. രണ്ടാമത്തെ ഇന്നിങ്സിൽ 161 പന്തിൽ 162 റൺസുമാണ് ഇന്ത്യൻ നായകൻ നേടിയത്. 13 ഫോറുകളും എട്ട് സിക്സുകളുമാണ് ഗിൽ നേടിയത്. 

അതേസമയം സൗത്ത് ആഫ്രിക്കൻ താരം വിയാൻ മൾഡർക്ക് ലാറയുടെ ഈ റെക്കോർഡ് തകർക്കാൻ സുവർണാവസരം ഉണ്ടായിരുന്നു എന്നാൽ താരം 400 റൺസ് എത്തുന്നതിനു മുമ്പേ ഡിക്ലയർ ചെയ്യുകയായിരുന്നു. സിംബാബ്‌വെക്കെതിരായ രണ്ടാം ടെസ്റ്റിൽ വിയാൻ മൾഡർ 367 റൺസുമായി ക്രീസിൽ നിൽക്കെ രണ്ടാം ദിനത്തിന്റെ ഒന്നാം സെഷന് ശേഷം ദക്ഷിണാഫ്രിക്ക 626/5 എന്ന കൂറ്റൻ സ്കോറിൽ ഇന്നിംഗ്സ് ഡിക്ലയർ ചെയ്യുകയായിരുന്നു.

ഈ തീരുമാനത്തിന് പിന്നിലുള്ള കാരണത്തെക്കുറിച്ചും മൾഡർ തുറന്നു പറയുകയും ചെയ്തിരുന്നു. ലാറയുടെ 400 റൺസിന്റെ ലോക റെക്കോർഡിനോടുള്ള ബഹുമാനമാണ് ഈ അപ്രതീക്ഷിത തീരുമാനത്തിന് പിന്നിലെന്ന് മൾഡർ വ്യക്തമാക്കിയത്. ടീമിന് ജയത്തിന് ആവശ്യമായ റൺസ് ലഭിച്ചുവെന്നും, ഇതിഹാസ താരങ്ങളാണ് ഇത്തരം റെക്കോർഡുകൾക്ക് അർഹരെന്നും  ഭാവിയിൽ സമാന അവസരം ലഭിച്ചാലും തന്റെ തീരുമാനം മാറില്ലെന്നും മൾഡർ പറഞ്ഞു. 

Former England pacer Stuart Broad has said that Indian captain Shubman Gill could have broken Brian Lara in the second Test against England