ആലപ്പുഴ: ചെന്നിത്തലയില്‍ വിദ്യാര്‍ഥിനിയെ ഹോസ്റ്റലില്‍ മരിച്ച നിലയില്‍ കണ്ടെത്തി. ആത്മഹത്യയാണെന്നാണ് പ്രാഥമിക നിഗമനം. ചെന്നിത്തല നവോദയ സ്‌കൂളിലെ ഹോസ്റ്റലില്‍ പത്താം ക്ലാസ് വിദ്യാര്‍ഥിനിയായ ബി.നേഹയാണ് മരിച്ചത്. ആറാട്ടുപുഴ സ്വദേശിയാണ് നേഹ. ഹോസ്റ്റലിന്റെ ശുചിമുറിക്ക് സമീപം ഇന്നു പുലര്‍ച്ചെയാണ് മരിച്ചനിലയില്‍ കുട്ടിയെ കണ്ടത്തിയത്. കുട്ടിക്ക് എന്താണ് സംഭവിച്ചത് എന്നതുമായി ബന്ധപ്പെട്ട് ഇതുവരെ വ്യക്തത വന്നിട്ടില്ല.

ഹോസ്റ്റലില്‍ നിന്നും ആത്മഹത്യാ കുറിപ്പും കണ്ടെത്തിയിട്ടുണ്ടെന്നാണ് സംശയം. പൊലിസ് വിശദമായി അന്വേഷണം നടത്തുന്നുണ്ട്. പ്രാഥമിക നടപടിക്രമങ്ങള്‍ പൂര്‍ത്തിയായി. നേരത്തേ റാഗിങ് പരാതികള്‍ സ്‌കൂളില്‍ ഉയര്‍ന്നിരുന്നു. അതിനാല്‍ മരണകാരണം പൊലിസ് പരിശോധിച്ചു വരുകയാണ്.