ഡൽഹി: ബീഹാർ വോട്ടർ പട്ടികയിൽ പേര് ചേർക്കുന്നതിന് ആധാർ കാർഡും ഉപയോഗിക്കാമെന്ന് തെരഞ്ഞെടുപ്പ് കമ്മീഷൻ സുപ്രീംകോടതിയിൽ അറിയിച്ചു. ആധാർ കാർഡ്, റേഷൻ കാർഡ്, വോട്ടർ ഐഡി കാർഡ് എന്നിവ ഉൾപ്പെടുത്തണമെന്ന് കോടതിയുടെ നിർദ്ദേശത്തിന് പിന്നാലെയാണ് ഈ നിലപാട് മാറ്റം. 

 വോട്ടർ പട്ടികയിലെ പരിഷ്കരണം തുടരാമെന്നും കോടതി ചൂണ്ടിക്കാട്ടി. വോട്ടർപട്ടിക പരിഷ്കരണത്തിനെതിരായ ഹര്ജിയിലാണ് കോടതിയുടെ ഈ നിരീക്ഷണം. ഈ വിഷയത്തിന്റെ തുടർവാദം കേൾക്കുന്നത് ജൂലൈ 21ലേക്ക് മാറ്റുകയും ചെയ്തിട്ടുണ്ട്. 

 അനർഹരായ ആളുകളെ വോട്ടർ പട്ടികയിൽ നിന്ന് ഒഴിവാക്കാനാണ് സമഗ്ര പരിഷ്കരണം എന്നാണ് തെരഞ്ഞെടുപ്പ് കമ്മീഷൻ ഉന്നയിക്കുന്നത്. എന്നാൽ സംസ്ഥാനത്തെ പാവപ്പെട്ടതും പാർശ്വവൽക്കരിക്കപ്പെട്ട ആളുകളെയും പട്ടികയിൽ നിന്ന് പുറന്തള്ളാവുന്ന നീക്കമാണ് ഇതെന്നാണ് പ്രതിപക്ഷം ആരോപിച്ചത്. 

ജൂൺ 24നായിരുന്നു പ്രത്യേക തീവ്ര വോട്ടർ പട്ടിക പരിഷ്കരിക്കാൻ തെരഞ്ഞെടുപ്പ് കമ്മീഷൻ പ്രഖ്യാപിച്ചത്.  ഇതിന് മുമ്പ് 2003 ലായിരുന്നു സമഗ്രമായ ഇത്തരത്തിലുള്ള പരിഷ്കരണം നടന്നത്. വോട്ടർപട്ടികയിൽ പേര് ചേർക്കാൻ ആഗ്രഹിക്കുന്ന ആളുകൾ ജൂലൈ 25നുള്ളിൽ എന്യൂമറേഷൻ സമർപ്പിക്കണമെന്നാണ് കമ്മീഷന്റെ നിർദ്ദേശം. ആഗസ്റ്റ് ഒന്നിന് വോട്ടർപട്ടിക പ്രസിദ്ധീകരിക്കും.

Aadhaar card can also be used to add name in Bihar voter list Election Commission tells Supreme Court