ഛണ്ഡീഗഡ്: ഹരിയാനയിലെ ഹിസാറില്‍ സ്‌കൂള്‍ പ്രിന്‍സിപ്പലിനെ വിദ്യാര്‍ഥികള്‍ കുത്തിക്കൊന്നു. ഹിസാര്‍ കര്‍താര്‍ മെമ്മോറിയല്‍ പബ്ലിക് സ്‌കൂള്‍ പ്രിന്‍സിപ്പല്‍ ജഗ്ബീര്‍ സിങ് പന്നുവാണ് കൊല്ലപ്പെട്ടത്.  അച്ചടക്ക നടപടിയുടെ ഭാഗമായി നോട്ടീസ് നല്‍കിയതിന് പ്രതികാരമായാണ് വിദ്യാര്‍ഥികള്‍ കൊല നടത്തിയതെന്ന് പൊലിസ് പറഞ്ഞു. 

സംഭവത്തില്‍ 15 വയസുള്ള രണ്ട് വിദ്യാര്‍ഥികളാണ് കുറ്റക്കാരെന്ന് ഹാന്‍സി പൊലിസ് സൂപ്രണ്ട് അമിത് യശ്വര്‍ദ്ധന്‍ പറഞ്ഞു. കുട്ടികളോട് മുടി മുറിക്കണമെന്നും, ഷര്‍ട്ട് ടക്ക് ഇന്‍ ചെയ്യണമെന്നും ആവശ്യപ്പെട്ടാണ് പ്രിന്‍സിപ്പല്‍ നോട്ടീസ് നല്‍കിയത്. ഇതിന്‍ പ്രകോപിതരായ വിദ്യാര്‍ഥികള്‍ പ്രിന്‍സിപ്പലിനെ ആക്രമിക്കുകയും, കത്തി ഉപയോഗിച്ച് കുത്തുകയും ചെയ്തു. ആക്രമണത്തിന് തൊട്ടുമുന്‍പ് പ്രതികളായ വിദ്യാര്‍ഥികള്‍ സമൂഹമാധ്യമങ്ങളില്‍ ഭീഷണി സന്ദേശങ്ങള്‍ പങ്കുവെച്ചിരുന്നു. 

ALSO READ:  ' ചാരക്കേസ് പ്രതി ജ്യോതി മൽഹോത്രയെ എത്തിച്ചത് വി. മുരളീധരന്റെ പിആർ വർക്കിന്'; ഗുരുതര ആരോപണങ്ങളുമായി സന്ദീപ് വാര്യർ

ഗുരുതര പരിക്കുകളോടെ ജഗ്ബീറിനെ ഹിസാറിനെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. സംഭവ സ്ഥലത്ത് നിന്ന് കുത്താനുപയോഗിച്ച കത്തി പൊലിസ് കണ്ടെടുത്തിട്ടുണ്ട്. നിലവില്‍ പ്രതികളെ പിടികൂടാന്‍ പൊലിസിന് സാധിച്ചിട്ടില്ല. ഇവര്‍ ഒളിവിലാണെന്നും, അന്വേഷണം വ്യാപിപ്പിച്ചിട്ടുണ്ടെന്നും പൊലിസ് പറഞ്ഞു.

In a shocking incident from Hisar, Haryana, the Principal of Kartar Memorial Public School, Jagbir Singh Pannu, was stabbed to death by students.