കല്ലടിക്കോട്: കല്ലടിക്കോട് പറക്കലടി ജനവാസ കേന്ദ്രത്തില്‍  പുലി ഇറങ്ങി മൂന്ന് ആടുകളെ കൊന്നു. ഞാറാഴ്ച്ച അര്‍ധ രാത്രിയാണ് സംഭവം. പറക്കലിട ജെയിംസിന്റെ മൂന്ന് ആടുകളെയാണ് കൊന്നത്. സമീപമുള്ള വീട്ടിലെ കുമാരിയുടെ  ആടിനെ കൊണ്ട് പോവുകയും ചെയ്തു. ഇതിന് മുന്‍പ് കുമാരിയുടെ രണ്ട് ആടുകളെ കാണാതായിരുന്നു. ഒരാഴ്ച്ച മുന്‍പാണ് മുന്നേക്ര, വാക്കോട് ഭാഗങ്ങളില്‍  പുലി ഇറങ്ങിയതായി സംശയിച്ചത്. ഇപ്പോള്‍  പുലി ജന വാസ കേന്ദ്രങ്ങളില്‍  ഇറങ്ങിയിരിക്കുകയാണ്.കോങ്ങാട് എം.എല്‍.എ കെ.വി വിജയദാസ് സംഭവ സ്ഥലം സന്ദര്‍ശിച്ചു. കരിമ്പ പഞ്ചായത്ത് പ്രസിഡന്റ് ജയശ്രീ ടീച്ചര്‍, കല്ലടിക്കോട് എസ്.ഐ അബ്ദുല്‍ഗഫൂര്‍, മണ്ണാര്‍ക്കാട് റെയ്ഞ്ച് ഓഫിസര്‍ ഗണേശന്‍ സംഭവ സ്ഥലത്തെത്തി.