കോട്ടയം: അന്തരിച്ച മുൻ സിപിഐ സംസ്ഥാന സെക്രട്ടറി കാനം രാജേന്ദ്രന്റെ കുടുംബം സഞ്ചരിച്ച വാഹനം അപകടത്തിൽപ്പെട്ടു. ഭാര്യ വനജ രാജേന്ദ്രൻ (65) മകൻ സന്ദീപ് രാജേന്ദ്രൻ (42) എന്നിവരാണ് വാഹനത്തിൽ ഉണ്ടായിരുന്നത്. അപകടത്തിൽ ഇരുവർക്കും പരുക്കേറ്റു. തലയോലപ്പറമ്പ് വടകര തോട്ടം ജംഗ്ഷനു സമീപം ഇന്ന് വൈകിട്ട് 4:30-നാണ് അപകടം. ഇവർ സഞ്ചരിച്ചിരുന്ന ഇന്നോവ കാറും മിനിലോറിയും കൂട്ടിയിടിച്ചാണ് അപകടമുണ്ടായത്.

ഇടിയുടെ ആഘാതത്തിൽ കാറിന്റെ മുൻഭാഗം പൂർണമായും തകർന്നു. ഭാര്യയ്ക്ക് തലയ്ക്ക് പരുക്കേറ്റതായാണ് റിപ്പോർട്ട്. പരുക്കേറ്റ ഇരുവരെയും എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണെന്ന് ആശുപത്രി വൃത്തങ്ങൾ അറിയിച്ചു.

എറണാകുളത്തു നിന്ന് തലയോലപ്പറമ്പ് ഇല്ലിത്തൊണ്ടിലെ ഗ്രാനൈറ്റ് കടയിലേക്ക് ലോഡുമായി വന്ന മിനിലോറിയും വാഴൂർ കാനത്തു നിന്ന് എറണാകുളം ഭാഗത്തേക്ക് പോവുകയായിരുന്ന കാറുമാണ് അപകടത്തിൽപ്പെട്ടത്. അപകടത്തെക്കുറിച്ച് തലയോലപ്പറമ്പ്  പൊലീസ് അന്വേഷണം ആരംഭിച്ചു.

The family of late CPI state secretary Kanam Rajendran met with an accident when their Innova car collided with a mini-lorry near Thalayolaparambu, Kottayam. Kanam's wife, Vanaja Rajendran (65), and son, Sandeep Rajendran (42), sustained injuries and were admitted to a private hospital in Ernakulam. The car's front was completely damaged, with Vanaja suffering a head injury. The accident occurred at 4:30 PM when the lorry, carrying a load to a granite shop, collided with the car traveling towards Ernakulam