തിരുവനന്തപുരം: കേരള സർവകലാശാലയിൽ വീണ്ടും നാടകീയ സംഭവങ്ങൾ. സർവകലാശാല രജിസ്ട്രാർ കെ.എസ്. അനിൽകുമാർ ഉപയോഗിക്കുന്ന ഔദ്യോഗിക വാഹനം തടയാൻ വൈസ് ചാൻസലർ ഡോ. മോഹനൻ കുന്നുമ്മൽ നിർദേശം നൽകി. വാഹനം സർവകലാശാലയുടെ ഗ്യാരേജിൽ സൂക്ഷിക്കാനാണ് ഉത്തരവ്. നിലവിൽ ഔദ്യോഗിക വാഹനം രജിസ്ട്രാർ അനിൽകുമാർ തന്നെയാണ് ഉപയോഗിക്കുന്നത്. വാഹനത്തിന്റെ താക്കോൽ ഡ്രൈവറിൽ നിന്ന് വാങ്ങി താൽക്കാലിക രജിസ്ട്രാറായ ഡോ. മിനി കാപ്പന് കൈമാറണമെന്നാണ് വി.സി.യുടെ നിർദേശം. ഈ ഉത്തരവ് നടപ്പാക്കാൻ മിനി കാപ്പനെയും സെക്യൂരിറ്റി ഓഫീസറെയും വി.സി. ചുമതലപ്പെടുത്തി.

എന്നാൽ, ഇക്കാര്യത്തിൽ തനിക്ക് യാതൊരു ഔദ്യോഗിക അറിയിപ്പും ലഭിച്ചിട്ടില്ലെന്ന് കെ.എസ്. അനിൽകുമാർ വ്യക്തമാക്കി. താൻ ഔദ്യോഗിക വാഹനം ഉപയോഗിക്കുന്നത് തുടരുമെന്നും, ഇന്നലെ സർവകലാശാലയിൽ നിന്ന് വീട്ടിലേക്ക് മടങ്ങിയത് ഈ വാഹനത്തിൽ തന്നെയായിരുന്നുവെന്നും അദ്ദേഹം പറഞ്ഞു. വാഹനം പിന്നീട് കാര്യവട്ടത്തേക്ക് തിരികെ അയച്ചതായും, നാളെ സർവകലാശാലയിലേക്ക് എത്തുന്നതും ഔദ്യോഗിക വാഹനത്തിൽ തന്നെയായിരിക്കുമെന്നും അനിൽകുമാർ കൂട്ടിച്ചേർത്തു.

ALSO READ: ഷിരൂർ മണ്ണിടിച്ചിൽ ദുരന്തത്തിന് ഇന്നേക്ക് ഒരു വർഷം തികയുന്നു: അർജുൻ ഉൾപ്പെടെ പൊലിഞ്ഞത് 11 ജീവനുകൾ

അതിനിടെ, കേരള സർവകലാശാലയിലെ താൽക്കാലിക വൈസ് ചാൻസലർ ഡോ. മോഹനൻ കുന്നുമ്മൽ ഉത്തരവാദിത്തങ്ങൾ ഭംഗിയായി നിർവഹിക്കുന്നില്ലെന്ന് ഉന്നത വിദ്യാഭ്യാസ മന്ത്രി ആർ. ബിന്ദു കുറ്റപ്പെടുത്തി. ഉന്നത വിദ്യാഭ്യാസ രംഗം "കുളമായി" മാറിയെന്നും, ചോദ്യം ചെയ്യാൻ ആളില്ലെന്നും പ്രതിപക്ഷ നേതാവ് വി.ഡി. സതീശൻ ആരോപിച്ചു.

ഈ സാഹചര്യത്തിൽ, എസ്.എഫ്.ഐ. കേരള സർവകലാശാല ആസ്ഥാനത്ത് ഇന്നും പ്രതിഷേധം സംഘടിപ്പിച്ചു. എന്നാൽ, വൈസ് ചാൻസലർ മോഹനൻ കുന്നുമ്മലിനെ ഒരു ഘട്ടത്തിലും ഭീഷണിപ്പെടുത്തിയിട്ടില്ലെന്ന് എസ്.എഫ്.ഐ. സംസ്ഥാന സെക്രട്ടറി പി.എസ്. സഞ്ജീവ് വ്യക്തമാക്കി.

ALSO READ: ഭാസ്കര കാരണവർ വധക്കേസ്: നല്ലനടപ്പും സ്ത്രീയെന്ന പരിഗണനയും; ഷെറിനെ വിട്ടയക്കാനുള്ള മന്ത്രിസഭാ തീരുമാനം ഗവർണർ അംഗീകരിച്ചു;  പ്രതിക്ക് ഉടൻ ജയിൽമോചനം

In a dramatic turn of events at Kerala University, Vice Chancellor Dr. Mohanan Kunnummel has directed that the official vehicle used by Registrar K.S. Anil Kumar be restricted and stored in the university garage. The keys are to be handed over to temporary Registrar Dr. Mini Kappan. Anil Kumar, unaware of any official notice, insists on continuing to use the vehicle. Meanwhile, Higher Education Minister R. Bindu criticized the VC for failing in his duties, and the SFI staged protests, denying any threats against the VC