ടെഹ്റാൻ: ഇറാന്റെ പരമോന്നത നേതാവ് ആയത്തുല്ല അലി ഖാംനഇ ഇസ്രാഈലിനും അമേരിക്കയ്ക്കുമെതിരെ അതിരൂക്ഷ പരാമർശങ്ങളുമായി രംഗത്തെത്തി. ഇറാൻ-ഇസ്രാഈൽ സംഘർഷത്തിൽ ഇതുവരെ കണ്ടതിനേക്കാൾ ശക്തമായ പ്രഹരം എതിരാളികൾക്ക് നൽകാൻ ഇറാന് കഴിയുമെന്ന് അദ്ദേഹം മുന്നറിയിപ്പ് നൽകി. ഇസ്രാഈലിനെ 'അമേരിക്കയുടെ ചങ്ങലയിലെ നായ' എന്നും 'കാൻസർ ട്യൂമർ' എന്നും വിശേഷിപ്പിച്ച ഖാംനഇയി, അമേരിക്കയ്ക്കും ഇസ്രാഈൽ പ്രധാനമന്ത്രി ബെഞ്ചമിൻ നെതന്യാഹുവിനുമെതിരായ പോരാട്ടത്തെ പ്രശംസിച്ചു.

12 ദിവസത്തെ യുദ്ധത്തിനിടെ ഇസ്രാഈലിന്റെ ആക്രമണങ്ങൾ ഇറാന്റെ ഇസ്ലാമിക് റിപ്പബ്ലിക്കിന്റെ ഭരണസംവിധാനത്തെ ദുർബലപ്പെടുത്താനും തകർക്കാനും ലക്ഷ്യമിട്ടുള്ളതായിരുന്നുവെന്ന്  ഖാംനഇയി തന്റെ വെബ്സൈറ്റിൽ പ്രസിദ്ധീകരിച്ച പ്രസ്താവനയിൽ വ്യക്തമാക്കി. ഇറാനിലെ ചില വ്യക്തികളെയും സ്ഥാപനങ്ങളെയും ലക്ഷ്യമിട്ടുള്ള ആക്രമണങ്ങൾ രാജ്യത്തെ അസ്ഥിരപ്പെടുത്താനുള്ള ശ്രമമായിരുന്നുവെന്നും അദ്ദേഹം ആരോപിച്ചു.

ഇസ്രാഈലിന്റെ കുറ്റകൃത്യങ്ങൾക്ക് അമേരിക്ക കൂട്ടാളിയാണെന്നും, വീണ്ടും ആക്രമണം ഉണ്ടായാൽ ശക്തമായ തിരിച്ചടി നൽകാൻ ഇറാൻ തയ്യാറാണെന്നും  ഖാംനഇയി മുന്നറിയിപ്പ് നൽകി. ഏത് പുതിയ സൈനിക നീക്കത്തിനും മറുപടി നൽകാൻ ഇറാൻ സജ്ജമാണെന്ന് സുപ്രീം ലീഡർ വ്യക്തമാക്കി. അതേസമയം, ഇറാനെതിരെ സൈനിക നടപടി സ്വീകരിക്കില്ലെന്ന് അമേരിക്ക ഉറപ്പ് നൽകുന്നിടത്തോളം നയതന്ത്ര ചർച്ചകൾക്ക് തയ്യാറാണെന്നും ഇറാൻ അറിയിച്ചു.

Iran's Supreme Leader, Ayatollah Ali Khamenei, recently labeled Israel as "America's chained dog," criticizing its reliance on U.S. support and alleging it serves as a tool for American control over Middle Eastern resources. He claimed Israel's need for U.S. backing reflects its weakened state, particularly following recent conflicts and a ceasefire with Iran. Khamenei warned of severe consequences for Israel, calling it a "criminal entity" facing a "bitter fate." These remarks align with his broader calls for Muslim nations to isolate Israel for its actions in Gaza.