ന്യൂഡല്‍ഹി: കേരള എന്‍ജിനിയറിങ്, ആര്‍ക്കിടെക്ചര്‍ ആന്‍ഡ് മെഡിക്കല്‍ എന്‍ട്രന്‍സ് (കീം) പരീക്ഷയുടെ റാങ്ക്പട്ടിക റദ്ദാക്കിയ ഹൈക്കോടതി വിധിക്കെതിരെ സമര്‍പ്പിച്ച ഹരജിയില്‍ സംസ്ഥാന സിലബസ് വിദ്യാര്‍ഥികള്‍ക്ക് തിരിച്ചടി. വിഷയത്തില്‍ ഈ വര്‍ഷം ഇടപെടാനാവില്ലെന്ന് സുപ്രിം കോടതി വ്യക്തമാക്കി.  റാങ്ക് ലിസ്റ്റ് റദ്ദാക്കിയ ഹൈക്കോടതി വിധി സുപ്രിം കോടതി റദ്ദ് ചെയ്തില്ല. പുതുക്കിയ പട്ടിക പ്രകാരം ഈ വര്‍ഷം തന്നെ പ്രവേശനം നടത്തണമെന്നും കോടതി നിര്‍ദ്ദേശിച്ചു. 

അതേസമയം, അപ്പീല്‍ നല്‍കില്ലെന്ന് കേരളം വ്യക്തമാക്കി. അടുത്ത വര്‍ഷം പരിഷ്‌ക്കരിക്കാമെന്നും കേരളം കോടതിയില്‍ അറിയിച്ചു. നാലാഴ്ച കഴിഞ്ഞ് വീണ്ടും പരിഗണിക്കും. 

ALSO READ: കീം; നീതി തേടി കേരള സിലബസുകാര്‍ സുപ്രീം കോടതിയില്‍; പുനക്രമീകരിച്ച റാങ്ക് പട്ടിക റദ്ദാക്കണമെന്ന് ആവശ്യം

സംസ്ഥാനത്തിന് പ്രോസ്‌പെക്ടസില്‍ എപ്പോള്‍ വേണമെങ്കിലും മാറ്റംവരുത്താന്‍ അധികാരമുണ്ടെന്ന് ഹരജിക്കാര്‍ക്കുവേണ്ടി ഹാജരായ പ്രശാന്ത് ഭൂഷണന്‍ വാദിച്ചിരുന്നു. കേരളം വിദഗ്ധ സമിതിക്ക് രൂപം നല്‍കിയ ശേഷമാണ് ഇത്തരമൊരു തീരുമാനമെടുത്തതെന്നും സംസ്ഥാന സിലബസുകാര്‍ വലിയ പ്രതിസന്ധിയാണ് നേരിടുന്നതെന്നും അദ്ദേഹം കോടതിയില്‍ ചൂണ്ടിക്കാട്ടി. ജസ്റ്റിസ് പി എസ് നരസിംഹ അധ്യക്ഷനായ ബെഞ്ചാണ് ഹരജി പരിഗണിക്കുന്നത്.

ALSO READ: ഗസ്സയിലെ ദുരിതാശ്വാസ കേന്ദ്രങ്ങൾക്ക് നേരെ ഇസ്റാഈൽ ആക്രമണം: 875 ഫലസ്തീനികൾ കൊല്ലപ്പെട്ടതായി യുഎൻ റിപ്പോർട്ട്

സര്‍ക്കാര്‍ നടപ്പാക്കിയ ഫോര്‍മുല നയപരമായ തീരുമാനമാണെന്നും ഹൈക്കോടതി ഇടപെടല്‍ ശരിയല്ലന്നുമാണ് അപ്പീലില്‍ സംസ്ഥാന സിലബസ് വിദ്യാര്‍ഥികള്‍ വ്യക്തമാക്കിയിരുന്നത്. സുപ്രിം കോടതി നിശ്ചയിച്ച പരിധിക്കപ്പുറത്തേയ്ക്ക് പോയ ഹൈക്കോടതി സ്വഭാവിക നീതി നിഷേധിച്ചുവെന്നും 15 വിദ്യാര്‍ഥികള്‍ ചേര്‍ന്നുനല്‍കിയ അപ്പീലില്‍ ചൂണ്ടിക്കാട്ടി.

The Supreme Court declined to stay the Kerala High Court's verdict canceling the KEAM 2025 rank list, impacting state syllabus students. Admissions will proceed based on the revised rank list. Kerala government confirms it won’t appeal and will consider changes next year.