കോഴിക്കോട്: പന്തീരാങ്കാവ് മുതുവനത്തറയിൽ ജൂലൈ 16-ന് മൂന്ന് പേരെ കടിച്ച് പരിക്കേൽപ്പിച്ച തെരുവ് നായക്ക് പേവിഷബാധ സ്ഥിരീകരിച്ചു. ആക്രമണത്തിന് ശേഷം നാട്ടുകാർ നായയെ തല്ലി കൊന്നിരുന്നു. പൂക്കോട് വെറ്റിനറി കോളേജിൽ നടത്തിയ ജഡപരിശോധനയിലാണ് പേവിഷബാധ കണ്ടെത്തിയത്. നായയുടെ അസാധാരണ പെരുമാറ്റം കണ്ട് നാട്ടുകാർ ആദ്യം മുതൽ തന്നെ പേവിഷബാധയെ സംശയിച്ചിരുന്നു.

സംഭവദിവസം, പ്രദേശത്തെ ഒരു ഗോഡൗണിൽ നായ കയറി ഭീതി പരത്തിയതിന്റെ സിസിടിവി ദൃശ്യങ്ങൾ പുറത്തുവന്നു. ഗോഡൗണിലെ ജീവനക്കാർ ഭാഗ്യവശാൽ കടിയേൽക്കാതെ രക്ഷപ്പെട്ടു. മുതുവനത്തറ സ്വദേശികളായ രാധ, ചന്ദ്രൻ, രമണി എന്നിവർക്കാണ് നായയുടെ കടിയേറ്റത്. ചന്ദ്രന്റെ നെറ്റിയിലും, രമണിയുടെ ഇടതുകൈയിലും, രാധയുടെ തലയ്ക്ക് പുറകിലും ആഴമേറിയ മുറിവുകളാണ് ഉണ്ടായത്. മൂന്ന് പേരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച് ചികിത്സ നൽകിവരികയാണ്.

നായ പ്രദേശത്തെ വളർത്തുമൃഗങ്ങളെയും ആക്രമിച്ചതായി നാട്ടുകാർ പറഞ്ഞു. പേവിഷബാധ സ്ഥിരീകരിച്ചതിനെ തുടർന്ന്, ആരോഗ്യവകുപ്പും ഗ്രാമപഞ്ചായത്തും ചേർന്ന് പ്രദേശത്ത് ജാഗ്രതാ നിർദേശം പുറപ്പെടുവിച്ചിട്ടുണ്ട്. തെരുവ് നായ്ക്കളെ നിരീക്ഷിക്കാനും ആവശ്യമായ മുൻകരുതലുകൾ സ്വീകരിക്കാനും നാട്ടുകാരോട് അധികൃതർ നിർദേശിച്ചു.

A stray dog in Panthirankavu, Muthuvanathara, attacked and injured three people—Radha, Chandran, and Ramani—on July 16, 2025. The dog, which was killed by locals, was confirmed to have rabies after tests at Pookode Veterinary College. CCTV footage showed the dog causing panic in a local godown. The victims, with deep wounds, are under treatment at Kozhikode Medical College Hospital. Health officials and the local panchayat have issued alerts and urged vigilance.