കൊച്ചി: വടുതലയിൽ ദമ്പതികളെ തീകൊളുത്തി കൊലപ്പെടുത്താൻ ശ്രമിച്ച ശേഷം യുവാവ് ആത്മഹത്യ ചെയ്തു. പച്ചാളം സ്വദേശി വില്യം എന്ന യുവാവാണ് മരിച്ചത്. ​ഗുരുതരമായി പൊള്ളലേറ്റ ദമ്പതികൾ ആശുപത്രിയിൽ ചികിത്സയിലാണ്. വടുതല ലൂർദ് ആശുപത്രിക്ക് പിന്നിൽ താമസിക്കുന്നവരാണ് ഇവർ.

ഇവർ തമ്മിൽ കുടുംബപ്രശ്നങ്ങൾ നിലനിന്നിരുന്നതായി പ്രാഥമിക വിവരങ്ങൾ സൂചിപ്പിക്കുന്നു. തൊട്ടടുത്ത് താമസിക്കുന്ന വില്യം, ദമ്പതികളുടെ വീട്ടിലെത്തി പെട്ടെന്ന് തീകൊളുത്തുകയായിരുന്നു. തീ ഉയർന്നത് കണ്ടെത്തിയ നാട്ടുകാർ ദമ്പതികളെ ഉടൻ ആശുപത്രിയിലെത്തിച്ചു. തുടർന്ന്, വില്യമിനെ മരിച്ച നിലയിൽ കണ്ടെത്തി.

സംഭവത്തെക്കുറിച്ച് കൂടുതൽ വിവരങ്ങൾ ശേഖരിക്കാൻ പോലീസ് അന്വേഷണം ആരംഭിച്ചു. സ്ഥലത്തെത്തിയ പൊലിസ് തുടർനടപടികൾ സ്വീകരിച്ചുവരികയാണ്. കേസിന്റെ വിശദാംശങ്ങൾ വ്യക്തമാകുന്നതിനായി അന്വേഷണം തുടരുകയാണ്.

In Vaduthala, Kochi, a youth named William from Pachalam set a couple on fire before taking his own life. The couple, severely injured, is under treatment. The incident, linked to family disputes, occurred near Lourdes Hospital. Locals rushed the couple to the hospital, and William was later found dead. Police are investigating the circumstances.