കോഴിക്കോട്: 65 വയസ് കഴിഞ്ഞവർക്കുള്ള ഹജ്ജ് യാത്രയിൽ സഹായിയായ ഭാര്യയ്ക്ക് അനുവദിച്ച വയസിളവ് പുനഃസ്ഥാപിക്കണമെന്ന് കേന്ദ്ര ന്യൂനപക്ഷവകുപ്പ് മന്ത്രിയ്ക്ക് കത്ത്. 2026 ലെ കേന്ദ്ര ഹജ്ജ് നയപ്രകാരം  65 വയസിന് മുകളിൽ റിസർവ്ഡ് കാറ്റഗറിയിൽ അപേക്ഷിക്കുന്നവർക്ക് 18നും 60നും ഇടക്ക് പ്രായമുള്ള അടുത്ത ബന്ധു സഹായിയായി വേണമെന്നാണുള്ളത്. എന്നാൽ 2025 ലെ ഹജ്ജ് അപേക്ഷയിൽ ഭാര്യ സഹായി ആണെങ്കിൽ 65 വയസ് വരെ ഇളവ് അനുവദിച്ചിരുന്നു. ഇത് പുനഃസ്ഥാപിക്കണമെന്ന് ഓൾ ഇന്ത്യ ഹാജീസ് ഹെൽപ്പിങ്ങ് ഹാൻ്റ്സ് പ്രസിഡന്റ് റഷീദ് അലി ശിഹാബ് തങ്ങൾ കേന്ദ്ര മന്ത്രിക്കയച്ച കത്തിൽ വ്യക്തമാക്കി.

ALSO READ: ദീര്‍ഘകാലത്തെ പരിചയം; ഒടുവില്‍ വിവാഹത്തെ ചൊല്ലി തര്‍ക്കം; ആലുവ ലോഡ്ജില്‍ യുവാവ് യുവതിയെ കഴുത്തില്‍ ഷാള്‍ മുറുക്കി കൊലപ്പെടുത്തി

ലേഡീസ് വിത്തൗട്ട് മെഹ്റം വിഭാഗത്തിൽ അപേക്ഷിക്കുന്ന 65 ന് മുകളിൽ പ്രായമുള്ളവർക്ക് 45 നും 60 നും ഇടക്ക് പ്രായമുള്ള ഒരു സഹായി ആവശ്യമാണ്. എന്നാൽ  ഈ സഹായി അടുത്ത ബന്ധു ആയിരിക്കണമെന്ന് നിർബന്ധമില്ലെങ്കിലും  അപേക്ഷയിൽ ബന്ധം ചേർക്കേണ്ട അവസ്ഥയാണിപ്പോഴുള്ളത്. ഈ സാങ്കേതിക തകരാർ പരിഹരിക്കണം. ഇളവ് 65 വയസിന് മുകളിലുള്ള വിഭാഗത്തിൽ ജനറൽ കാറ്റഗറിയിൽ അപേക്ഷിക്കുന്നവർക്കും ബാധകമാക്കണം. ഹജ്ജ് അപേക്ഷയിൽ പാസ്‌പോർട്ട് സ്‌കാൻ ചെയ്യുമ്പോഴുള്ള സാങ്കേതിക ബുദ്ധിമുട്ടുകൾ പരിഹരിക്കണം. അപേക്ഷ സമർപ്പണത്തിന് കുറഞ്ഞ കാലയളവ് മാത്രമേ ഉള്ളൂ എന്നതിനാൽ ഇക്കാര്യത്തിൽ അടിയന്തര നടപടി സ്വീകരിക്കണമെന്നും മന്ത്രിയ്ക്ക് അയച്ച കത്തിൽ വ്യക്തമാക്കി.