തിരുവനന്തപുരം: സംസ്ഥാനത്ത് അടുത്ത അഞ്ച് ദിവസം കൂടി വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ജൂലൈ  23,25,26,27 തീയതികളില്‍  അതിശക്തമായ മഴയ്ക്കും; ജൂലൈ 23 മുതല്‍  27 വരെ  ശക്തമായ മഴയ്ക്കും സാധ്യതയുണ്ട്. മഴയ്ക്ക് പുറമെ മണക്കൂറില്‍ 40 മുതല്‍ 50 വരെ കിലോമീറ്റര്‍ വേഗതയില്‍ ശക്തമായ കാറ്റിനും സാധ്യതയുണ്ട്. 

പടിഞ്ഞാറന്‍  പസഫിക് സമുദ്രത്തില്‍ രൂപപ്പെട്ട 'വിഫ' ചുഴലിക്കാറ്റ്  ചക്രവാത ചുഴിയായി ദുര്‍ബലമായി അടുത്ത  24  മണിക്കൂറിനുള്ളില്‍ വടക്കന്‍ ബംഗാള്‍ ഉള്‍ക്കടലിലേക്ക് പ്രവേശിക്കാന്‍ സാധ്യത. തുടര്‍ന്നുള്ള 24  മണിക്കൂറില്‍ ചക്രവാത ചുഴി ന്യൂനമര്‍ദ്ദമായി  ശക്തി പ്രാപിക്കാന്‍ സാധ്യതയുണ്ട്. അതിനാലാണ് കേരളത്തില്‍ മഴ സാധ്യത സജീവമാകുന്നത്. 

അലര്‍ട്ടുകള്‍

നിലവില്‍ ഇന്ന് (ജൂലൈ 23) രണ്ട് ജില്ലകളില്‍ ഓറഞ്ച് അലര്‍ട്ടും, പത്ത് ജില്ലകളില്‍ യെല്ലോ അലര്‍ട്ടും നിലനില്‍ക്കുന്നുണ്ട്. കണ്ണൂര്‍, കാസര്‍ഗോഡ് ജില്ലകളിലാണ് ഓറഞ്ച് അലര്‍ട്ട്. വയനാട് മുതല്‍ പത്തനംതിട്ട വരെ ജില്ലകളില്‍ യെല്ലോ അലര്‍ട്ടുമാണുള്ളത്. 

ALSO READ: കേരള സെന്‍ട്രല്‍ യൂണിവേഴ്‌സിറ്റി കാസര്‍ഗോഡ്; ഇന്റഗ്രേറ്റഡ് ടീച്ചര്‍ എജ്യുക്കേഷന്‍ പ്രോഗ്രാം; രജിസ്‌ട്രേഷന്‍ 31 വരെ

നാളെ (ജൂലൈ 24) ഒരിടത്തും ഓറഞ്ച് അലര്‍ട്ട് പ്രഖ്യാപിച്ചിട്ടില്ല. എന്നാല്‍ 8 ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലാണ് യെല്ലോ അലര്‍ട്ടുള്ളത്.

വരും ദിവസങ്ങളിലെ യെല്ലോ അലര്‍ട്ടുകള്‍

24/07/2025: പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍, കാസറഗോഡ്
25/07/2025: തിരുവനന്തപുരം, കൊല്ലം, ആലപ്പുഴ, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസറഗോഡ്
26/07/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, കണ്ണൂര്‍, കാസറഗോഡ്
27/07/2025: ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്

India Meteorological Department (IMD) has issued a weather alert for the state, predicting widespread rainfall over the next five days. Heavy to very heavy rainfall is likely on July 23, 25, 26, and 27.