ന്യൂഡല്‍ഹി: ദിവസങ്ങള്‍ക്ക് മുമ്പ് രാജിവെച്ച ജഗ്ധീപ് ധന്‍കറിന്റെ അപ്രതീക്ഷിത രാജിയില്‍ അസ്വാഭാവികത ആരോപിച്ചെങ്കിലും അദ്ദേഹത്തോട് അനുഭാവം കാണിക്കേണ്ടെന്ന് കോണ്‍ഗ്രസില്‍ ധാരണ. ധന്‍കര്‍ രാജി പിന്‍വലിക്കണമെന്ന ആവശ്യവുമായി രംഗത്തെത്തിയ മുതിര്‍ന്ന നേതാവ് ജയറാം രമേശ് നടത്തിയ പരമാര്‍ശങ്ങളോട് ഹൈക്കമാന്റിന് യോജിപ്പില്ലെന്ന് സൂചന. ധന്‍കറിന്റെ രാജിയില്‍ അസ്വാഭാവികത ഉണ്ടെന്നും ഇതില്‍ വ്യക്തത വേണമെന്നും ആവശ്യപ്പെട്ട എഐസിസി പ്രസിഡന്റ് മല്ലിഖാര്‍ജുന്‍ ഖാര്‍ഗെ ആര്‍എസ്എസ്‌കാരെക്കാള്‍ അവരുടെ ഭാഷയില്‍ സംസാരിച്ച വ്യക്തിയാണ് ധന്‍കറെന്ന് പറഞ്ഞു. രാഹുല്‍ ഗാന്ധി നിലവില്‍ വിഷയം പൂര്‍ണമായും അവഗണിച്ചിരിക്കുകയാണ്.

ALSO READ: ഓപറേഷന്‍ സിന്ദൂര്‍ 29ാം തീയതി പാര്‍ലമെന്റ് ചര്‍ച്ച ചെയ്യും, പ്രധാനമന്ത്രി പങ്കെടുക്കും

സുപ്രധാന ഭരണഘടനാ പദവിയില്‍ ഇരുന്ന് കേന്ദ്ര സര്‍ക്കാരിനെ നിരന്തരം സന്തോഷിപ്പിക്കുകയും പ്രതിപക്ഷത്തെ പാടേ അവഗണിക്കുകയും ചെയ്തയാണ് ധന്‍കറെന്ന വിലയിരുത്തലാണ് കോണ്‍ഗ്രസില്‍ ഉള്ളത്. സര്‍ക്കാരിനെ പ്രീതിപ്പിച്ചും ബിജെപിക്കും ആര്‍എസ്എസിനും കൂറ് കാണിച്ചും സ്വയം കുഴിയില്‍ വീണ ജഗ്ധീപ് ധന്‍കര്‍ അനുഭാവം അര്‍ഹിക്കുന്നില്ലെന്ന് ഖാര്‍ഗെ തന്റെ അനുയായികളോട് പറഞ്ഞതായി സൂചനയുണ്ട്. ധന്‍കറിന്റെ രാജി അസ്വാഭാവികമാണെന്ന് പറഞ്ഞ കെ.സി വേണുഗോപാല്‍ ധന്‍കറെ പിന്തുണച്ചില്ല എന്നതും ശ്രദ്ധേയമായി.

ആവശ്യം കഴിഞ്ഞാല്‍ വലിച്ചെറിയുന്ന ബിജെപി, ഭരണഘടനാപദവിയിലേക്ക് നടത്തുന്ന അമിത നിയന്ത്രണത്തിന്റെ തുടര്‍ച്ചയാണ് അദ്ദേഹത്തിന്റെ രാജിയെന്ന് ചില കോണ്‍ഗ്രസ് നേതാക്കള്‍ ആരോപിച്ചെങ്കിലും ഔദ്യോഗിക പ്രതികരണമായി ഇത് ഏറ്റുപിടിക്കാന്‍ കോണ്‍ഗ്രസ് തയ്യാറായില്ല. രാജി പുനഃപരിശോധിക്കണെമെന്ന് ജയറാം രമേശിന്റെ ആവശ്യം തങ്ങള്‍ക്കില്ലെന്ന് പി. ചിദംബരം ഉള്‍പ്പെടെയുള്ള മുതിര്‍ന്ന നേതാക്കള്‍ വ്യക്തമാക്കുകയും ചെയ്തു.

ALSO READ: ജസ്റ്റിസ് യശ്വന്ത് വര്‍മയുടെ ഹരജി പരിഗണിക്കാന്‍ പ്രത്യേക ബെഞ്ച് രൂപീകരിക്കാന്‍ സുപ്രിം കോടതി

പ്രതിപക്ഷത്തെ നിരന്തരം അവഗണിക്കുകയും ഖാര്‍ഗെ അടക്കമുള്ള പ്രതിപക്ഷ നേതാക്കള്‍ സംസാരിക്കുമ്പോള്‍ മൈക്ക് ഓഫ് ചെയ്യുകയും ചെയ്ത ധന്‍കറുമായി പ്രതിപക്ഷവും പ്രത്യേകിച്ച് കോണ്‍ഗ്രസും പോരില്‍ ഏര്‍പ്പെട്ടിരുന്നു. നേരത്തേ കൂട്ടസസ്‌പെന്‍ഷനെതിരായ പ്രതിപക്ഷ പ്രതിഷേധത്തിനിടെ തൃണമൂല്‍ എംപി കല്യാണ്‍ ബാനര്‍ജി ധന്‍കറിനെ അനുകരിക്കുന്ന വീഡിയോ രാഹുല്‍ ഗാന്ധി ഫോില്‍ പകര്‍ത്തിയത് ധന്‍കറിനെ ചൊടിപ്പിച്ചിരുന്നു. രാഹുലിനെ പരോക്ഷമായും പ്രത്യക്ഷമായും ധന്‍കര്‍ പലതവണ വിമര്‍ശിച്ചിരുന്നു. 

The Congress high command has shown little interest in Jairam Ramesh's call to revisit Jagdeep Dhankhar’s resignation matter, indicating internal disagreement and strategic disinterest.