തിരുവനന്തപുരം: സംസ്ഥാനത്തെ ഐപിഎസ് ഉദ്യോഗസ്ഥർക്ക് സ്ഥലം മാറ്റം. ജില്ലാ പൊലിസ് മേധാവിമാർ ഉൾപ്പെടെ മാറ്റിയാണ് വൻ അഴിച്ചുപണി നടത്തിയിരിക്കുന്നത്. ആകെ 11 പേരെയാണ് സ്ഥലം മാറ്റിയത്. കൊല്ലം റൂറൽ മേധാവിയായിരുന്ന സാബു മാത്യുവിനെ ഇടുക്കിയിലേക്ക് മാറ്റി. ഇടുക്കി ജില്ലാ പൊലീസ് മേധാവി വിഷ്ണു പ്രദീപിനെ കൊല്ലത്തേക്കും മാറ്റി നിയമിച്ചു.അരുൾ ആര്‍.ബി കൃഷ്ണയെ പൊലിസ് ബറ്റാലിയൻ ഡിഐജിയായി മാറ്റി നിയമിച്ചു. പത്തനംതിട്ട ജില്ലാ മേധാവി വി.ജി. വിനോദ് കുമാറിനെ പൊലിസ് ആസ്ഥാനത്ത് എഐജിയായി നിയമിച്ചു. പുതിയ പത്തനംതിട്ട എസ്പിയായി ആർ.ആനന്ദ് എത്തും. 

പോക്സോ കേസ് വിവാദത്തിൽപെട്ട പത്തനംതിട്ട എസ്‌പി വി.ജി. വിനോദ് കുമാറിനെ സുപ്രധാന ചുമതലയും നൽകിയത് വിവാദമായേക്കും. ഹൈക്കോടതി അഭിഭാഷകൻ നൗഷാദ് തോട്ടത്തിൽ പ്രതിയായ പത്തനംതിട്ട പോക്സോ കേസിൽ വിനോദിന് ഗുരുതര വീഴ്ചയുണ്ടായെന്ന് ഡിഐജി അജിത ബീഗം റിപ്പോർട്ട് സമർപ്പിച്ചിരുന്നു. ഇതിനിടെയാണ് പൊലിസ് ആസ്ഥാനത്ത് എഐജിയായി ഉയർന്ന പോസ്റ്റിലേക്ക് സർക്കാർ നിയമിച്ചത്.

ALSO READ: കുറ്റിപ്പുറത്തെ സ്വകാര്യ ആശുപത്രിയിലെ നഴ്‌സിന്റെ ആത്മഹത്യക്ക് പിന്നില്‍ മുന്‍ മാനേജറുടെ മാനസിക പീഡനമെന്ന് പൊലിസ്

ഇഡി ഉദ്യോഗസ്ഥനെ അഴിമതി കേസിൽ കുരുക്കിയ എസ്. ശശിധരനെ വിജിലൻസിൽ നിന്നും പൊലിസ് അക്കാദമിയിലേക്ക് സ്ഥലം മാറ്റിയിട്ടുണ്ട്.

In a significant administrative move, 11 IPS officers in Kerala, including several District Police Chiefs, have been transferred as part of a major reshuffle.