തിരുവനന്തപുരം:കഠിനംകുളം പുതുക്കുറിച്ചിയിൽ ഇരുചക്രവാഹനങ്ങൾ തമ്മിൽ കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. മരിച്ചവർ പുതുക്കുറിച്ചി സ്വദേശി നവാസ് (41), വർക്കല സ്വദേശി രാഹുൽ (21) എന്നിവരാണ്.

പെരുമാതുറയിൽ നിന്ന് പുതുക്കുറിച്ചിയിലേക്ക് വരികയായിരുന്ന ബൈക്കുകൾ  തമ്മിൽ കൂട്ടിയിടിച്ചാണ് അപകടം സംഭവിച്ചത്. മുന്നിൽ പോവുകയായിരുന്ന ബൈക്ക് പെട്ടെന്ന് തിരിഞ്ഞതാണ് അപകടത്തിന് കാരണമായതെന്നാണ് പ്രാഥമിക നിഗമനം.

ഗുരുതരമായി പരിക്കേറ്റ നവാസിനെയും രാഹുലിനെയും ഉടൻ തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടം നടന്നത് വൈകിട്ട് നാല് മണിയോടെയാണ്. പൊലിസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്.

Two people died in a collision between two-wheelers in Puthukurichi, Kadinamkulam. The deceased have been identified as Navas (41), a native of Puthukurichi, and Rahul (21), a native of Varkala.The accident occurred when two bikes coming from Perumatura to Puthukurichi collided. The initial conclusion is that the bike in front suddenly turned around, which caused the accident.